வசந்தபாலன் இயக்கத்தில் உருவாகியுள்ள ‘அநீதி’ திரைப்படத்தின் டீசர் இன்று மாலை வெளியிடப்படவுள்ளதாக படக்குழு அறிவித்துள்ளது.

வசந்தபாலன் இயக்கத்தில் கைதி, மாஸ்டர் படத்தில் நடித்த அர்ஜுன் தாஸ், அநீதி படத்தின் கதாநாயகனாக நடித்துள்ளார். கதாநாயகி - துஷாரா விஜயன். வனிதா விஜயகுமார், நாடோடிகள் பரணி, சுரேஷ் சக்ரவர்த்தி, அறந்தாங்கி நிஷா, காளி வெங்கட் போன்றோர் நடித்துள்ளார்கள். ஒளிப்பதிவு: எட்வின் சகாய். 

இதையும் படிக்க | ஜவான் முன்னோட்ட விடியோ வெளியானது!

ஜி.வி. பிரகாஷ் இசையமைத்துள்ள இப்படத்தில், மறைந்த கவிஞர் நா. முத்துக்குமாரின் நட்பின் நினைவாக அவருடைய கவிதைகளிலிருந்து வரிகளைத் தொகுத்து ஒரு பாடலுக்குப் பயன்படுத்தப்பட்டுள்ளது. ஜிவி பிரகாஷ் அப்பாடலைப் பாடியுள்ளார். 

ஏற்கெனவே இந்தப் படம் வருகிற ஜூலை 21-ஆம் தேதி திரையில் வெளியாகும் என்று அறிவிக்கப்பட்டுள்ள நிலையில், இன்று மாலை 6 மணிக்கு படத்தின் டீசர் வெளியாகவுள்ளது.