உதயநிதி நடிக்கும் 'கண்ணை நம்பாதே' படத்தின் 'குரு குரு' பாடல் இன்று மாலை வெளியாகவுள்ளது. 

உதயநிதி நடிப்பில் மார்ச் 17ஆம் தேதி திரைக்கு வரவிருக்கும் படம் 'கண்ணை நம்பாதே'. இதில் ஸ்ரீகாந்த், பிரசன்னா, ஆத்மிகா, சதீஷ் உள்ளிட்ட பலர் நடித்துள்ளனர். 'இரவுக்கு ஆயிரம் கண்கள்' படத்தை இயக்கிய இயக்குநர் மு.மாறன் படத்தை இயக்கியுள்ளார். 

இதையும் படிக்க- ‘கருமேகங்கள் கலைகின்றன’ படத்தின் ஃபர்ஸ்ட் லுக்கை வெளியிட்டார் கமல்ஹாசன்​

சித்து குமார் இசையமைத்துள்ளார். மேலும் படத்தை லிப்பி சினி கிராப்ட்ஸ் சார்பில் வி.என்.ரஞ்சித்குமார் தயாரித்துள்ளார்.

படம் முழுக்க முழுக்க சஸ்பென்ஸ் நிறைந்தவையாக இருக்கும் எனச் சொல்லப்படுகிறது. ஏற்கெனவே படத்தின் டிரைலர் வெளியாகி நல்ல வரவேற்பை பெற்றுள்ளது. 

இந்த நிலையில் 'கண்ணை நம்பாதே' படத்தின் 'குரு குரு' பாடல் இன்று மாலை 6 மணிக்கு வெளியாகும் என படக்குழு அறிவித்துள்ளது.