மாடர்ன் லவ் சென்னை ட்ரைலர் வெளியீட்டு விழாவில் நடிகர் பாரதிராஜா தன் காதல்கள் குறித்துப் பேசியுள்ளார்.

அமேசான் பிரைம் ஓடிடி தளத்தில் நவீனயுக காதல் கதைகளை மையமாக வைத்து முன்னெடுக்கப்பட்ட ஆந்தாலஜி வகை இணையத் தொடர் ‘மாடர்ன் லவ்’. ஏற்கனவே, ’மாடர்ன் லவ் மும்பை’, ’மாடர்ன் லவ் ஹைதராபாத்’ ஆகிய சீரியஸ் வெளியாகி வரவேற்பைப் பெற்ற நிலையில் வருகிற மே 18 ஆம் தேதி மாடர்ன் லவ் சென்னை தொடரும் வெளியாகவுள்ளது. 

இதையும் படிக்க: மாடர்ன் லவ் சென்னை :  வெளியான இயக்குநர்கள் பட்டியல்!

இந்நிலையில், இத்தொடரின் டிரைலர் வெளியீட்டு விழாவில் பேசிய இயக்குநர், நடிகர் பாரதிராஜா, ‘இத்தொடரின் மூலம் தியாகராஜா குமாரராஜா என்கிற நல்ல நண்பன்  கிடைத்தான். என்னைப் பொறுத்தவரை காதல் இல்லையென்றால் வாழ்க்கை இல்லை. 9-வது படிக்கும்போது அப்படி எனக்கு ஒரு காதலி இருந்தாள். பின், சென்னை வந்து இத்தனை ஆண்டுகளில் இதுவரை 4 நான்கு காதல்களைக் கடந்துவிட்டேன். ஆனால், அவர்களை(காதலிகளை) என்னால் இன்றும் மறக்க முடியவில்லை. எனக்கு நிழல் தந்த குடைகள் அவர்கள். இறப்பதற்குள் இன்னும் சிறந்த படத்தை இயக்க வேண்டும்’ என உருக்கமாக பேசினார்.