லியோ படத்தைத் தொடர்ந்து விஜய்யின் 68வது படத்தை வெங்கட் பிரபு இயக்குகிறார். இப்படத்துக்கு யுவன் சங்கர் ராஜா இசையமைக்கிறார். மேலும், இப்படத்தில் நடிகர்கள் ஜெயராம், பிரபு தேவா, மோகன், பிரஷாந்த், வைபவ்,  சினேகா, லைலா, மீனாட்சி சௌத்ரி உள்ளிட்டோர் நடிக்கின்றனர்.

இப்படத்தை ஏ.ஜி.எஸ் நிறுவனம் பிரம்மாண்ட பொருள்செலவில் தயாரிக்கிறது. சமீபத்தில் இந்தப் படத்தின் படப்பிடிப்பு துவங்கியது. 

தாய்லாந்தில் வெங்கட்பிரபு பிறந்தநாளுக்கு முன்பாக முக்கியமான சண்டைக் காட்சி படமாக்கப்பட்டதாக தயாரிப்பாளர் கூறியிருந்தார்.

இந்நிலையில், இப்படத்தின் படப்பிடிப்பு சென்னையில் நடைபெற்று வந்தது. தற்போது, அடுத்தக்கட்ட படப்பிடிப்புக்காக படக்குழு துருக்கி செல்ல உள்ளதாகத் தகவல் வெளியாகியுள்ளது.

இதையும் படிக்க: அமீர் அண்ணாவிடம் வருத்தம் தெரிவிக்கிறேன்: ஞானவேல் ராஜா!

மேலும், இப்படத்தின் பெயர் விரைவில் அறிவிக்கபடலாம் என்றும் கூறப்படுகிறது. முன்னதாக, இப்படத்திற்கு சிஎஸ்கே என பெயரிட்டுள்ளதாகத் தகவல் வெளியாகியிருந்தது குறிப்பிடத்தக்கது.