லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள லியோ திரைப்படத்தின் டிரெய்லர் நேற்று (அக். 5) மாலை வெளியானது.

லியோ டிரெய்லர் வெளியானதிலிருந்து 2.7 கோடிப் பார்வைகளைக் கடந்துள்ளது. இதனால், டிரெண்டிங்கில் நீடித்து வருகிறது. 

இந்நிலையில், டிரைலரில் நடிகர் விஜய் கடுமையான தகாத வார்த்தை ஒன்றைப் பேசியிருக்கிறார். முதலில்,  ரசிகர்களிடையே குழப்பத்தை ஏற்படுத்தினாலும் தற்போது இது பேசுபொருளாகியிருக்கிறது. பெண்களை இழிவுப்படுத்தும் இந்த வார்த்தையை விஜய் பேசியிருக்கக் கூடாது என்றும் பல குழந்தைகளை ரசிகர்களாக வைத்திருப்பவரிடமிருந்து இதை எதிர்பார்க்கவில்லை என்றும் ரசிகர்கள் தங்கள் வருத்தத்தைப் பகிர்ந்து வருகின்றனர்.

இதையும் படிக்க | லியோ டிரெய்லர்: விஜய் ரசிகர்களால் சூறையாடப்பட்ட ரோகிணி திரையரங்கம்!

லோகேஷ் கனகராஜ் தன் முந்தைய படங்களில் கெட்ட வார்த்தைகளைப் பயன்படுத்தியிருந்தாலும் இந்த முறை கடுமையான வார்த்தையை உபயோகப்படுத்தியிருக்கிறார் என்பதுதான் அதிர்ச்சி அடைய வைத்தியிருக்கிறது.