விடாமுயற்சி படப்பிடிப்பிற்காக அஜர்பைஜான் சென்ற கலை இயக்குநர் மிலன் மாரடைப்பால் காலமானார்.
மகிழ்திருமேனி இயக்கத்தில் நடிகர் அஜித் நடிப்பில் உருவாகி வரும் படம் விடாமுயற்சி. இந்த படத்தின் படப்பிடிப்பு அஜர்பைஜான் நாட்டில் அண்மையில் தொடங்கி தொடர்ந்து நடைபெற்று வருகிறது.
இந்த நிலையில் படப்பிடிப்பிற்காக அஜர்பைஜான் சென்ற கலை இயக்குநர் மிலன் மாரடைப்பால் இன்று காலை காலமானார்.
அவருக்கு வயது 54. மிலன், கலாப காதலன் படத்தில் கலை இயக்குநராக அறிமுகமானார். தொடர்ந்து இவர் பில்லா, வீரம், வேதாளம், துணவு, வேட்டைக்காரன், வேலாயுதம் உள்ளிட்ட படங்களில் பணியாற்றியுள்ளார்.
மேலும் சூர்யாவின் கங்குவா படத்திலும் கலை இயக்குநராக மிலன் பணியாற்றி வந்தார்.
இந்த நிலையில் மிலன் மாரடைப்பால் இன்று காலமாகியிருப்பது திரையுலகினர் மத்தியில் அதிர்ச்சியை ஏற்படுத்தியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.