பிரபல தொடர்களின் ஒளிபரப்பு நேரம் மாற்றம்!

விஜய் தொலைக்காட்சியில் ஒளிப்பரப்பாகும் தமிழும் சரஸ்வதியும் தொடர் இந்த வார இறுதியில் நிறைவடைகிறது. இந்த தொடர் கடந்த ஜூலை 12, 2021 முதல் ஒளிப்பரப்பாகி வந்த நிலையில், தற்போது இறுதிக்கட்டத்தை எட்டியுள்ளது.

தமிழும் சரஸ்வதியும் தொடர் திங்கள் முதல் வெள்ளி வரை மாலை 6 மணிக்கு ஒளிபரப்பாகி வருகிறது. இந்த தொடர் நிறைவடையவுள்ளதால், மாலை 6.30 மணிக்கு ஒளிபரப்பாகி வந்த மோதலும் காதலும் தொடர் மாலை 6 மணிக்கு ஒளிபரப்பாகவுள்ளது.

இயக்குநர் பிரவீன் பென்னட் இயக்கும் நடிகர் திரவியத்தின் புதிய சீரியலான வீட்டுக்கு வீடு வாசப்படி தொடர் மாலை 6.30 மணிக்கு ஒளிபரப்பாகவுள்ளது.

வீட்டுக்கு வீடு வாசப்படி தொடரில், நடிகர் திரவியமிற்கு ஜோடியாக ஸ்ரீதா சிவதாஸ் நடிக்கிறார். மேலும், இத்தொடரில் பாரதி கண்ணம்மா தொடரில் அகிலன் பாத்திரத்தில் நடித்த சுதிஷ், அவினாஷ் உள்ளிட்ட பல பிரபலங்கள் நடிக்கிறார்கள்.

இத்தொடரில் வில்லியாக பாண்டவர் இல்லம் தொடரில் மல்லிகா பாத்திரத்தில் நடித்த நடிகை ஆர்த்தி நடிக்கிறார்.