கமல்ஹாசன் - மணிரத்னம் கூட்டணியில் 1987ல் வெளியான 'நாயகன்' திரைப்படம் மாபெரும் வெற்றி பெற்றது. இதைத் தொடர்ந்து 35 ஆண்டுகளுக்குப் பிறகு இந்தக் கூட்டணி மீண்டும் இணைகிறது.

தக் லைஃப் என பெயரிடப்பட்டுள்ள இப்படத்திற்கு ஏ. ஆர். ரஹ்மான் இசையமைக்கிறார். படத்தை உதயநிதி ஸ்டாலினின் ரெட் ஜெயண்ட் மூவிஸ், கமலின் ராஜ்கமல் நிறுவனம், மணிரத்னத்தின் மெட்ராஸ் டாக்கீஸ் நிறுவனம் ஆகியவை இணைந்து தயாரிக்கின்றன.

தக் லைஃப் அறிமுக விடியோ வெளியாகி ரசிகர்களைக் கவர்ந்த நிலையில், இப்படத்தின் படப்பிடிப்பு கடந்த ஜன.24 துவங்கி நடைபெற்று வருகிறது.

இதையும் படிக்க: துப்பறிவாளன் - 2 படப்பிடிப்பு எப்போது?

இப்படத்தின் முதல்கட்ட படப்பிடிப்பு சென்னையில் நிறைவடைந்துள்ள நிலையில், அடுத்தக்கட்ட படப்பிடிப்பு செர்பியாவில் நடைபெறுகிறது. இதற்காக, இயக்குநர் மணிரத்னம் செர்பியா கிளம்பிச் சென்றுள்ளார். அமெரிக்கா சென்ற நடிகர் கமல்ஹாசன், அங்கிருந்து செர்பியா சென்று தக் லைஃப் படப்பிடிப்பில் கலந்துகொள்வார் எனத் தகவல்.

இப்படத்தில் கமல்ஹாசனுடன் நடிகர்கள் ஜெயம் ரவி, துல்கர் சல்மான், ஜோஜு ஜார்ஜ், கௌதம் கார்த்திக், நடிகைகள் திரிஷா, ஐஸ்வர்யா லெக்‌ஷ்மி உள்ளிட்டோர் நடிக்கின்றனர்.

இன்று முதல் படப்பிடிப்பு இனிதே ஆரம்பம். #ThuglifeshootBegins#Ulaganayagan #KamalHaasan #ThugLife@ikamalhaasan #ManiRatnam @arrahman #Mahendran @bagapath @actor_jayamravi @trishtrashers @dulQuer @abhiramiact #Nasser @C_I_N_E_M_A_A @Gautham_Karthik @AishuL_@MShenbagamoort3… pic.twitter.com/PHXJhgeyU2

— Raaj Kamal Films International (@RKFI) January 24, 2024