இந்த வாரம் தொடர் விடுமுறை என்பதால் அதிகமான திரைப்படங்கள் திரையரங்குகளில் வெளியாகியுள்ளன. ஆனாலும், ஒடிடி தளங்களில் வெளியாகும் திரைப்படங்களை பார்ப்பதற்கு என்றே தனி ரசிகர்கள் பட்டாளம் உள்ளது.

அந்த வகையில், இந்த வாரம் எந்தெந்த திரைப்படங்கள் எந்தெந்த ஓடிடி தளங்களில் வெளியாகவுள்ளன என்பதைக் காணலாம்.

நடிகரும் இயக்குநருமான உறியடி விஜய் குமார் நடித்துள்ள படம் 'ஃபைட் கிளப்'. அப்பாஸ் ரஹ்மத் இயக்கியுள்ள இந்த படத்தை லோகேஷ் கனகராஜ் தனது 'ஜி ஸ்குவாட்' நிறுவனம் மூலம் வெளியிட்டார். இப்படம் டிஸ்னி பிளஸ் ஹாட்ஸ்டார் ஓடிடி தளத்தில் ஜன. 27 ஆம் தேதி வெளியாகவுள்ளது.

அனிமல் திரைப்படம் ஜனவரி 26 ஆம் தேதி நெட்ஃபிளிக்ஸ் ஓடிடி தளத்தில் வெளியாகவுள்ளதாக அதிகாரப்பூர்வமாக அறிவிக்கப்பட்டுள்ளது. சந்தீப் வங்கா இயக்கத்தில், பிரபல ஹிந்தி நடிகர் ரன்பீர் கபூர், ராஷ்மிகா மந்தனா இப்படத்தில் நடித்துள்ளனர்.

அகில் அக்கினேனி மற்றும் மம்மூட்டி நடிப்பில் வெளியாகி ரசிகர்கள் மத்தியில் நல்ல வரவேற்பை பெற்ற திரைப்படம் ஏஜென்ட். இப்படம் சோனி லைவ் ஓடிடி தளத்தில் ஜன. 26 ஆம் தேதி வெளியாகிறது.

இதையும் படிக்க: கவினின் ஸ்டார் பட நாயகி குறித்த அறிவிப்பு!

இயக்குநர் ஜித்து ஜோசப் இயக்கத்தில் நடிகர் மோகன்லால் நடித்துள்ள திரைப்படம்  நேரு. இப்படம் ஹாட்ஸ்டார் ஓடிடி தளத்தில் தமிழ், மலையாளம், தெலுங்கு, கன்னடம், ஹிந்தி மொழிகளில் வெளியாகியுள்ளது.