பின்லாந்தில் சூர்யா மற்றும் ஜோதிகா புத்தாண்டை கொண்டாடிய விடியோ இணையத்தில் வைரலாகி வருகிறது.

சிறுத்தை சிவா இயக்கும் படத்தில் சூர்யா நடித்து வருகிறார். 'கங்குவா' எனப் பெயரிடப்பட்டுள்ள இப்படத்தை ஞானவேல் ராஜா தயாரிக்கிறார். தொடர்ந்து, வெற்றி மாறனின் வாடிவாசல் படத்திலும் சூர்யா நடிக்கவுள்ளார்.

இதனைத் தொடர்ந்து, அவரின் 43-வது படத்தை இயக்குநர் சுதா கொங்காரா இயக்குகிறார். மேலும், இப்படத்திற்கு புறநானூறு என்கிற வார்த்தையைப் பயன்படுத்தியுள்ளனர். ஆனால் படத்தின் பெயரை இன்னும் அறிவிக்கவில்லை. 

நடிகை ஜோதிகா சமீபத்தில் மம்மூட்டியின் ‘காதல் தி கோர்' என்கிற படத்தில் நடித்திருந்தார். இதைத் தொடர்ந்து, அஜய் தேவ்கன் நடிப்பில் உருவாகும் ‘சைத்தான்’ படத்தில் நடிக்க ஒப்பந்தமாகியுள்ளார். 

இதையும் படிக்க: ‘சங்கி’ கெட்ட வாா்த்தை அல்ல: ரஜினி விளக்கம்

இந்த நிலையில், சூர்யா மற்றும் ஜோதிகா புத்தாண்டை பின்லாந்தில் கொண்டாடியுள்ளனர். உறைபனியில் இருவரும் குடும்பத்துடன் விளையாடி மகிழும் விடியோ தற்போது இணையத்தில் வைரலாகி வருகிறது.