நகைச்சுவை நடிகர் கவுண்டமணி கதாநாயகனாக நடித்து வரும் புதிய திரைப்படம் ’ஒத்த ஓட்டு முத்தையா’.

இந்த திரைப்படத்தில் அவருடன் இணைந்து நடிகர்கள் ரவிமரியா, யோகி பாபு, மொட்டை ராஜேந்திரன், ஓஏகெ சுந்தர், வையாபுரி, சிங்கமுத்து ஆகியோர் நடித்துள்ளனர்.

அரசியல் நகைச்சுவை கலந்து உருவாகியுள்ள இந்தத் திரைப்படத்தை இயக்குநர் சாய் ராஜகோபால் இயக்கியுள்ளார். சினி கிராஃப்ட்ஸ் நிறுவனத்தின் சார்பில் ரவிராஜா இந்தப் படத்தைத் தயாரித்துள்ளார். சித்தார்த் விபின் இசையமைக்கிறார்.

தற்போது இந்த படத்தின் ஃபர்ஸ்ட் லுக் போஸ்டரை படக்குழுவினர் வெளியிட்டுள்ளனர். பதவியேற்பு விழா என்னும் வாசகத்துடன் ’மிக விரைவில் பொதுமக்களையும் சந்திக்க உள்ளனர்’ என்று போஸ்டரில் தெரிவித்துள்ளனர்.