பேட்ட ராப் படத்தின் டீசரை வெளியிடும் விஜய் சேதுபதி!

நடிகர் பிரபு தேவா நடிப்பில் உருவாகியுள்ள பேட்ட ராப் படத்தின் டீசரை விஜய் சேதுபதி வெளியிடவிருக்கிறார்.

நடன இயக்குநராக இருந்து நடிகராக, இயக்குநராக என பாலிவுட் வரை வெற்றிகரமாக வலம் வந்தவர் பிரபு தேவா. சமீப காலமாக படங்களை இயக்குவதை விடுத்து நாயகனாக நடித்து வருகிறார்.

தமிழில் இவர் நடிப்பில் இறுதியாக வெளியான பொய்க்கால் குதிரை, பாகீரா ஆகிய படங்கள் கலவையான விமர்சனங்களைப் பெற்றது. தற்போது விஜய்யின் கோட் படத்தில் நடித்து வருகிறார்.

994இல் காதலன் படத்தில் இருந்து இயக்குநர் ஷங்கர் எழுதிய பேட்ட ராப் பாடல் மிகவும் பிரபலமானது. இந்தப் பாடலுக்கு ஏ.ஆர்.ரஹ்மான் இசையமைத்துள்ளார். இந்தப் பாடலின் தலைப்பில் பிரபு தேவா புதிய படத்தில் நடத்தியுள்ளார்.

இந்நிலையில் அவர் நடித்துள்ள பேட்ட ராப் படத்தின் முதல் பார்வை போஸ்டர் வெளியாகியுள்ளது. ப்ளூ ஹில் ஃபிலிம்ஸ் தயாரிப்பில் எஸ்.ஜே.சினு இயக்கத்தில் பிரபு தேவாவுடன் நடிகை வேதிகா நடித்துள்ளார்.

டி.இமான் இசையமைத்துள்ள இந்தப் படத்தின் வெளியீடு குறித்து இன்னும் அதிகாரபூர்வ தகவல் வெளியாகவில்லை.

இந்நிலையில் பேட்ட ராப் படத்தின் டீசரை விஜய் சேதுபதி நாளை (ஜூன் 22) காலை 11 மணிக்கு வெளியிடவிருக்கிறார்.

பிரபு தேவா ஏ.ஆர். ரஹ்மான் 6ஆவது முறையாக இணையும் மூன் வாக் படப்பிடிப்பும் வேகமாக நடைபெற்று வருவது குறிப்பிடத்தக்கது.