இயக்குநர் த.செ. ஞானவேல் இயக்கத்தில் நடிகர் ரஜினிகாந்த் நடித்துள்ள வேட்டையன் திரைப்படம் இன்று திரையரங்குகளில் வெளியாகியுள்ளது.

ஜெயிலர் படத்திற்குப் பின் ரஜினிகாந்த் நாயகனாக நடிக்கவுள்ள படமென்பதால் ஆரம்பம் முதலே வேட்டையன் மேல் பெரிய எதிர்பார்ப்பு இருந்தது. ஆனால், படத்தின் டீசர் மற்றும் டிரைலர் நினைத்த வரவேற்பைப் பெறாததால், வேட்டையனுக்கான டிக்கெட் முன்பதிவுகள் சுமாராகவே இருந்தன.

இதையும் படிக்க: இந்தியா உண்மையான மகனை இழந்துவிட்டது! ஏ.ஆர்.ரஹ்மான்

இந்த நிலையில், இன்று உலகளவில் பிரம்மாண்டமாக வெளியான இப்படத்தை பல பகுதிகளிலிருந்தும் ரசிகர்கள் பார்த்து கருத்து தெரிவித்து வருகின்றனர்.

அந்த வகையில், இப்படம் முதல்பாதி நன்றாகவும் இரண்டாம் பாதி சுமாராக இருந்ததாகக் கூறப்படுகிறது. இதனால், இப்படத்திற்கு கலவையான விமர்சனங்களே கிடைத்துள்ளன. மேலும், என்கவுன்டரை குறித்து பேசிய விஷயங்கள் அழுத்தமாக இருந்ததாகவும் கருத்து தெரிவித்து வருகின்றனர்.