இயக்குநரான ஜோஜு ஜார்ஜ்..! சூர்யா வாழ்த்து!

நடிகர் சூர்யா இயக்குநர் கார்த்திக் சுப்புராஜ் இயக்கத்தில் தன் 44வது படத்தில் நடித்து முடித்துள்ளார். இப்படத்தில், சூர்யாவுடன் பூஜா ஹெக்டே, ஜோஜு ஜார்ஜ் உள்ளிட்டோர் நடித்துள்ளனர்.

ஜோஜு ஜார்ஜ் தமிழில் ஜகமே தந்திரம் படத்தில் அறிமுகமானார். தற்போது, கமலுடன் தக் லைஃப் படத்திலும் நடித்து வருகிறார்.

நடிகராக பல படங்களில் நடித்துள்ளார். தயாரிப்பாளராகவும் 7 திரைப்படங்களை தயாரித்துள்ளார்.

தற்போது, இயக்குநராக புதிய அவதாரம் எடுத்துள்ளார். பனி என்ற படத்தினை இயக்கியுள்ளார். இந்தப் படத்தில் நடிகராகவும் நடித்துள்ளார். நாடோடிகள் அபிநயா முக்கியமான கதாபாத்திரத்தில் நடித்துள்ளார்.

விஷ்ணு விஜய், சாம் சிஎஸ் இசையமைத்துள்ளார்கள். இதன் டிரைலரை பாராட்டி நடிகர் சூர்யா பதிவிட்டுள்ளார். சூர்யா கூறியதாவது:

டிரைலர் பிடித்திருந்தது. இயக்குநராக அறிமுகமாகியுள்ள டியர் ஜோஜு ஜார்ஜுக்கு எனது வாழ்த்துகள் எனக் கூறியுள்ளார்.