இளையராஜா தன் முதல் சிம்பொனி இசையின் வெளியீட்டுத் தேதியை அறிவித்துள்ளார்.

இசைஞானி என ரசிகர்களால் கொண்டாடப்படும் இளையராஜா, சில மாதங்களுக்கு முன் சிம்பொனி இசையை 35 நாள்களில் எழுதி முடித்ததாகக் கூறி அனைவரையும் ஆச்சரியப்படுத்தினார். தொடர்ந்து, அவரது இசையமைப்பில் வெளியான ஜமா திரைப்படம் ரசிகர்களிடம் வரவேற்பைப் பெற்றது.

மேலும், சமீப காலமாக வெளியாகும் பல திரைப்படங்களில் இளையராஜா இசையமைத்த பழைய பாடல்கள் பயன்படுத்தப்படுகின்றன.

இதையும் படிக்க: முகுந்த் வரதராஜனாக வென்றாரா அமரன்? - திரை விமர்சனம்!

இந்த நிலையில், இளையராஜா தான் இசையமைத்த முதல் சிம்பொனி இசையை அடுத்தாண்டு ஜனவரி 26 ஆம் தேதி வெளியிட உள்ளதாக அறிவித்துள்ளார். இவரே, இந்தியாவின் முதல் சிம்பொனி இசையை வெளியிடும் இசையமைப்பாளர் ஆவார்.