நடிகர் கமல்ஹாசனின் 237-வது படத்தின் படப்பிடிப்பு குறித்து தகவல் வெளியாகியுள்ளது.

தக் லைஃப் திரைப்படத்திற்குப் பின் நடிகர் கமல்ஹாசன் சண்டைப் பயிற்சியாளர்கள் அன்பறிவ் இயக்கும் படத்தில் நாயகனாக நடிக்கிறார்.

இப்படத்திற்கான கதையை கமல்ஹாசனே எழுதியுள்ளார். மேலும், அமெரிக்கா சென்று ஏஐ தொழில்நுட்பத்தையும் கற்றுக்கொண்டதால் இப்படத்தில் ஏஐ தொழில்நுட்பத்தின் பங்கு இருக்கலாம் எனத் தெரிகிறது.

தற்போது, படப்பிடிப்புக்கு முந்தைய பணிகளில் இயக்குநர்கள் அன்பறிவ் தீவிரமாக ஈடுபட்டு வருகின்றனராம்.

நடிகர் கமல்ஹாசனே தயாரிக்கும் படம் என்பதால் படத்திற்கான தொழில்நுட்ப கலைஞர்களையும் கவனமாகத் தேர்ந்தெடுத்துள்ளனர்.

இந்த நிலையில், முழுநீள ஆக்சன் திரைப்படமாக உருவாகும் இப்படத்தின் படப்பிடிப்பு இம்மாத இறுதியில் சென்னையில் துவங்கலாம் என்று தகவல்கள் தெரிவிக்கின்றன.

இதையும் படிக்க: ஆஸ்கரில் புதிய பிரிவு!