பிக் பாஸ் சீசன் 8 நிகழ்ச்சியின் போட்டியாளரான சத்யா, பிரபுதேவா உடன் வெள்ளித் திரையில் நடிக்கவுள்ளார்.

சின்ன திரையில் அண்ணா தொடரில் காவல் துறை அதிகாரியாக நடித்திருந்த சத்யா, பிரபுதேவா படத்தில் ராணுவ அதிகாரி வேடத்தில் நடிக்கிறார்.

பிக் பாஸ் சீசன் 8 நிகழ்ச்சியின் போட்டியாளர்களில் ஒருவராக சத்யா பங்கேற்றார். இவர் இதற்கு முன்பு அண்ணா தொடரில் நடித்திருந்தார். பிக் பாஸ் போட்டியில் பங்கேற்பதற்காக தொடரில் இருந்து பாதியில் விலகினார்.

பிக் பாஸ் நிகழ்ச்சியில் தனக்கு மிகப்பெரிய அங்கீகாரம் கிடைக்கும் என்ற நம்பிக்கையில் இருந்த சத்யாவுக்கு தற்போது பட வாய்ப்புகள் தேடிவரத் தொடங்கியுள்ளன.

இதன் ஒருபகுதியாக பிரபுதேவா நடிப்பில் உருவாகிவரும் மைக்கேல் முசாசி படத்தில் சத்யா நடிக்க ஒப்பந்தமாகியுள்ளார்.

அறிமுக இயக்குநர் ஷாம் ரோட்ரிக்ஸ் இயக்கத்தில் தயாராகும் இப்படத்தில், ஜான் விஜய், விடிவி கணேஷ், ஜார்ஜ் மரியான், மலையாள நடிகர் பினு பப்பு, மலையாள நடிகை லியோனா லிஷாய், அருள்தாஸ், 'மாஸ்டர்' மகேந்திரன் உள்ளிட்ட பலர் நடிக்கின்றனர்.

ராணுவ வீரராக பிரபுதேவா உடன் சத்யா நடிக்கிறார். இப்படம் கோடை விடுமுறையையொட்டி திரையரங்குகளில் வெளியாகவுள்ளது.

சத்யாவுக்கு பிரபலங்கள் மற்றும் ரசிகர்கள் பலர் வாழ்த்துகளைத் தெரிவித்து வருகின்றனர்.

இதையும் படிக்க | குமாருடன் குமரன் சந்திப்பு... முத்துக்குமரன் குறித்து சிவகுமார் பகிர்ந்த சுவாரசியம்!