பிக்பாஸ் சீசன் 8 நிகழ்ச்சியின் டைட்டில் வின்னர் யார் என்பது குறித்த தகவல் தெரிய வந்துள்ளது.

பிக்பாஸ் சீசன் 8 நிகழ்ச்சி எப்போதும்போல மிகுந்த எதிர்பார்ப்புடன் கடந்த ஆண்டு அக்டோபர் 6-ஆம் தேதி தொடங்கியது. ஆனால் இந்த சீசனில் ஒரு மாற்றம் செய்யப்பட்டடிருந்தது.

இதுநாள் வரை பிக்பாஸ் நிகழ்ச்சியை தொகுத்து வந்த கமல்ஹாசன் பிக்பாஸ் சீசன் 8 நிகழ்ச்சியை தொகுத்து வழங்கவில்லை. அவருக்கு பதில் நடிகர் விஜய் சேதுபதி தொகுத்து வழங்கி வருகிறார்.

24 போட்டியாளர்களுடன் தொடங்கிய பிக்பாஸ் சீசன் 8 நிகழ்ச்சியில் தற்போது 5 போட்டியாளர்கள் உள்ளனர். விஷால், ரயான், முத்துக்குமரன், பவித்ரா, சௌந்தர்யா ஆகிய 5 பேர்தான் அந்த போட்டியாளர்கள்.

மீண்டும் இணையும் தனுஷ் - வெங்கட் அட்லூரி! படத்தின் பெயர் இதுவா?

பிக்பாஸ் சீசன் 8 இறுதிகட்டத்தை எட்டியுள்ளதால் இவர்களில் யார் அந்த டைட்டில் வின்னர் என்கிற எதிர்பார்ப்பு எழுந்துள்ளது. இதற்கான கிராண்ட் பினாலே நாளை(ஞாயிறு) மாலை 6 மணிக்கு நடைபெற உள்ளது.

இந்நிலையில் பிக்பாஸ் சீசன் 8 நிகழ்ச்சியின் டைட்டில் வின்னராக முத்துக்குமரன் தேர்வு செய்யப்பட்டுள்ளதாக தகவல் தெரிய வந்துள்ளது. அவருக்கு கோப்பையுடன் ரூ.40 லட்சம் பரிசுத்தொகை வழங்கப்படும் எனக் கூறப்படுகிறது.