நடிகர் தனுஷின் குபேரா திரைப்படம் தெலுங்கில் நல்ல வசூலை ஈட்டி வருகிறது.

குபேரா திரைப்படம் உலகம் முழுவதும் ஜூன் 20 வெளியானது. இப்படத்தில் தனுஷ் கதாபாத்திரமும் நடிப்பும் பலதரப்பு ரசிகர்களாலும் விமர்சகர்களாலும் பாராட்டுகளைப் பெற்றுள்ளது.

ஆனால், கதை ரீதியாக சில ஏமாற்றங்கள் ஏற்பட்டதால் இப்படம் தமிழில் எதிர்பார்த்த வரவேற்பைப் பெறவில்லை.

இந்த நிலையில், குபேரா தெலுங்கு ரசிகர்களிடம் வரவேற்பைப் பெற்றதுடன் அங்கு ரூ. 50 கோடிக்கும் அதிகமாக வசூலீட்டியுள்ளதாகத் தகவல்கள் தெரிவிக்கின்றன.

உலகளவில் இப்படம் இதுவரை ரூ. 90 கோடிக்கும் அதிகமாக வசூலித்துள்ளதாம். விரைவில் ரூ. 100 கோடியைக் கடக்கும் என எதிர்பார்க்கப்படுகிறது.

இதையும் படிக்க: தோற்றத்தை மாற்றிய அஜித்... ஏன்?