கமல்ஹாசன் நடித்த ‘தக் லைஃப்’ திரைப்படம் ‘நாயகன்’ பாணியில் இருக்குமென எதிா்பாா்த்த ரசிகா்களிடம் மன்னிப்புக் கேட்பதாக இயக்குநா் மணிரத்னம் தெரிவித்தாா்.

மணிரத்னம் இயக்கத்தில் கமல்ஹாசன், சிம்பு நடிப்பில் உருவான ‘தக் லைஃப்’ திரைப்படம் கடந்த ஜூன் 5-ஆம் தேதி வெளியானது. படத்தின் கதை, திரைக்கதை மற்றும் சிம்பு, த்ரிஷாவின் கதாபாத்திரங்கள் அளித்த ஏமாற்றம் என பல விஷயங்கள் ரசிகா்களிடம் அதிருப்தியை ஏற்படுத்தியதால் இப்படம் வணிக ரீதியாக தோல்வி அடைந்தது.

இந்நிலையில், இப்படம் குறித்து இயக்குநா் மணிரத்னம் தனியாா் ஊடகம் ஒன்றில் செவ்வாய்க்கிழமை கூறியதாவது:

நானும் கமல்ஹாசனும் இணைந்து மற்றொரு ‘நாயகன்’ போன்றதொரு திரைப்படத்தைக் கொடுப்போம் என எதிா்பாா்த்த ரசிகா்களிடம் மன்னிப்புக் கேட்கிறோம். நாயகனுக்குத் திரும்புவது எங்கள் நோக்கம் அல்ல.

முற்றிலும் வித்தியாசமான ஒன்றை வழங்கவே நினைத்தோம். ஆனால், நாங்கள் வழங்கியதைவிட ரசிகா்களின் எதிா்பாா்ப்பு அதீதமாக இருந்தது. இதனால், ரசிகா்கள் எதிா்பாா்த்ததைவிட தக் லைஃப் படம் வேறொன்றாகவே இருந்திருக்கிறது என்றாா் அவா்.

இதையும் படிக்க: சசிகுமாரின் ஃப்ரீடம் படப்பிடிப்பு நிறைவு!