விஷ்ணு விஷாலின் சகோதரர் நாயகனாக நடித்த ஓஹோ எந்தன் பேபி படத்தின் டிரைலர் வெளியாகியுள்ளது.

நடிகர் விஷ்ணு விஷால் தன்னுடைய தம்பி ருத்ராவை நாயகனாக அறிமுகப்படுத்துகிறார். ரோமியோ பிக்சர்ஸ் மற்றும் விஷ்ணு விஷால் இணைந்து தயாரிக்கும் இப்படத்துக்கு ‘ஓஹோ எந்தன் பேபி’ எனப் பெயரிடப்பட்டுள்ளது.

இப்படத்தை அறிமுக இயக்குநர் கிருஷ்ணகுமார் ராமகுமார் இயக்க, ஜென் மார்டின் இசையமைத்துள்ளார்.

இந்த நிலையில், ஓஹோ எந்தன் பேபி திரைப்படத்தின் டிரைலரை இன்று வெளியிட்டுள்ளனர். காதலும் ஆக்சனும் கலந்த படமாக இது உருவாகியுள்ளது. டிரைலர் காட்சிகள் ரசிகர்களிடம் கவனம் ஈர்த்து வருகிறது.

இப்படம் ஜூலை 11 ஆம் தேதி திரையரங்குகளில் வெளியாவுள்ளது குறிப்பிடத்தக்கது.