குட் பேட் அக்லி படத்தின் வில்லன் இவரா?

அஜித் நடிப்பில் ஆதிக் ரவிச்சந்திரன் இயக்கத்தில் உருவாகியுள்ள ’குட் பேட் அக்லி’ திரைப்படம் வெளியாக இன்னும் சில நாள்களே உள்ள நிலையில் படத்தின் மீதான ரசிகர்களின் எதிர்பார்ப்பும் அதிகரித்துள்ளது.

படத்தின் டீசர் வெளியாகி பலரிடமும் வரவேற்பைப் பெற்றதால் உறுதியாக இப்படம் ஹிட் அடிக்கும் என அஜித் ரசிகர்கள் காத்திருக்கின்றனர்.

முக்கியமாக, படத்தின் முதல் பாடலான ’ஓஜி சம்பவம்’ நேற்று வெளியாகி ரசிகர்களிடையே வரவேற்பைப் பெற்றுள்ளது. குட் அக்லி திரைப்படம் தமிழகத்தில் 1000 திரைகளில் வெளியாகவுள்ளதாகத் தகவல்கள் தெரிவிக்கின்றன.

மேலும், படத்தின் தயாரிப்பாளரான மைத்ரி மூவி மேக்கர்ஸ் நிறுவனம் ஹிந்தியிலும் இப்படத்தை அதிக திரைகளில் வெளியிட முடிவு செய்துள்ளனர்.

இதையும் படிக்க | யூடியூப், இன்ஸ்டாவில் வைரலாகும் கேதிகா சர்மாவின் பாடல்!

குட் பேட் அக்லி படத்தில் அஜித்துக்கு வில்லனாக யார் நடிக்கின்றனர் என்ற எதிர்பார்ப்பு ரசிகர்களுக்கு இருந்து வருகின்றது.

இந்த நிலையில்தெலுங்கு நடிகர் ரகுராம், குட் பேட் அக்லியில் அஜித்துக்கு வில்லனாக நடிக்கவுள்ளதாகத் தகவல்கள் வெளியாகியுள்ளன.

சிவகார்த்திகேயன் நடித்த டாக்டர் படத்தில் வில்லன் கும்பலைச் சேர்ந்த இரட்டையர்களில் ஒருவராக ரகுராம் நடித்திருந்தார்.