நடிகர் ஸ்ரீநாத் பாசி நடிப்பில் உருவாகியுள்ள ஆசாதி படத்தின் ரிலீஸ் தேதி அறிவிக்கப்பட்டுள்ளது.

மஞ்ஞுமெல் பாய்ஸ் படத்தின் மூலமாக தமிழகத்தில் பிரபலமானவர் ஸ்ரீநாத் பாசி. ஆனால், அதற்கு முன்னமே கும்பாலாங்கி நைட்ஸ், ஹோம் ஆகிய படங்களின் மூலம் கவனம் ஈர்த்துள்ளார்.

இந்நிலையில், ஜோ ஜார்ஜ் இயக்கியுள்ள இந்தப் படம் தமிழகத்தில் வரும் மே.23ஆம் தேதி வெளியாகுமென படக்குழு அறிவித்துள்ளது.

ஃபைசல் ராஜா தயாரித்துள்ள இந்தப் படத்தின் கதையை சாகர் எழுதியுள்ளார். ஒரே இரவில் நடக்கும் கதையாக இருக்குமென போஸ்டர்களில் குறிப்பிடப்பட்டுள்ளது.

இந்தப் படத்தில் ஸ்ரீநாத் பாசி உடன் லால், ரவீனா ரவி, அபின் பினோ, வானி விஸ்வநாத், சைஜு குரூப் முக்கிய கதாபாத்திரங்களில் நடித்துள்ளனர்.

மஞ்ஞுமெல் பாய்ஸ் படத்தின் வெற்றிக்குப் பிறகு தமிழகத்தில் மலையாளப் படங்களுக்கு ரசிகர்கள் கூடுதலாகியிருப்பதும் குறிப்பிடத்தக்கது.

நடிகர் ஸ்ரீநாத் பாசி சில ஆண்டுகளுக்கு முன் போதைப்பொருள் சர்ச்சையில் சிக்கியதும் சமீபத்தில் போதைப்பொருள் தாதாவுடன் தொடர்பு இருந்ததாக தகவல் வெளியானதும் அதிர்ச்சியை ஏற்படுத்தியது.