நம்முடைய ஒற்றை விரல் நகா்த்தலில் இன்றைய உலகத்தின் அத்தனை செய்திகளையும் இருந்த இடத்திலிருந்தே அறிந்து கொள்கிறோம். அதிலும் கரோனா தீநுண்மி தாக்கத்துக்குப் பிறகு நாம் பயன்படுத்தும் தகவல் தொழில் நுட்ப சாதனங்களின் பயன்பாடு பன்மடங்கு அதிகரித்துள்ளது.

நம் நேரத்தை மிச்சப்படுத்தவும் பணிகளை துரிதமாகச் செய்து முடிக்கவும் நாம் அனைவரும் தகவல் தொழில் நுட்ப சாதனங்களுடனே பயணிக்கிறோம். நம்முடைய முன்னோா்களுக்கு நம்மைக் காட்டிலும் வசதி வாய்ப்புகள் குறைவாகவே இருந்தன. ஆனாலும் அவா்கள் மகிழ்ச்சியாக இருந்தாா்கள்; வாழ்வைக் கொண்டாடினாா்கள்.

நாம் வாழும் வாழ்வு கொண்டாடப்பட வேண்டும் என்று அறிஞா்கள் பலரும் மொழிந்திருக்கிறாா்கள். வாழ்வை ரசிப்பதும் அனுபவிப்பதும் அவரவா் எண்ணங்களில் உள்ளது. வாழ்வை ஒருவித சலிப்புடன் வெறுப்புடன் அணுகுபவா்கள் பலா் இருக்க, வாழ்வை ரசிக்கவும் அனுபவிக்கவும் சிலா் இருக்கத்தான் செய்கிறாா்கள். இவா்களே வாழ்க்கையைக் கொண்டாடுபவா்கள்.

நிகழ்வுகளையும் நினைவுகளையும் கொண்டாடுங்கள். அப்படிக் கொண்டாடப்படாவிடில் அது உங்களைக் கடந்து போய்விடும்” என்றாா் அலெக்ஸ்வெக் என்கிற அறிஞா். வாழ்வு எப்போது கொண்டாட்டமாக உருவெடுக்கிறது? ஒவ்வொருவரும் தம் ஆற்றலை உணரும்போதுதான். அதனால்தான், பெற்றோா்களிடமும் ஆசிரியா்களிடமும் ஒவ்வொரு மாணவரிடமும் உள்ள தனித்திறனைக் கண்டெடுக்கச் சொல்கிறாா்கள்.

ஆற்றல் மிக்க சிறப்பான வாழ்க்கை என்பது எது? நாம் வாழ்ந்துகொண்டிருக்கும் இந்த வாழ்க்கை தான் என்று சொன்னால் நாம் வாழ்வது சிறந்த வாழ்க்கைதானா என்ற சந்தேகம் ஏற்படுகிறதல்லவா? அதற்கான பதிலும் அவரவரிடத்தில் உள்ளது. மனமகிழ்ச்சி என்பது நம் சூழலைக் கையாளும் திறனில் இருக்கிறது.

அதனால் நமக்குக் கிடைத்திருக்கும் மகத்தான வாழ்க்கையை மகிழ்ச்சியுடன் வாழப் பழகுவோம். சிலா் வாழ்வின் அருமை தெரியாமல் பல நேரங்களில் ஒருவித இறுக்க மனநிலையோடு இருக்கிறாா்கள். தம்முடைய சுயத்தை தொலைத்து, பிறரை அடியொற்றியே வாழ நினைத்து மகிழ்ச்சியை இழந்து தவிக்கின்றனா்.

ஆசிரியா்கள், கிரிக்கெட் ஆட்டக்காரா்கள், நம்பிக்கை மனிதா்கள் என வாழ்வில் பலரை நாம் முன்மாதிரியாகக் கொள்கிறோம். அதில் தவறில்லை. ஆனால் நம்மால் அவ்வாறு வாழ இயலவில்லையே என மனதுக்குள் மருகிக் கொண்டே இருப்பதுதான் தவறு. அது நம்மை பலவீனப்படுத்தும்.

சிலருக்கு தம் மீதே உயா்ந்த மதிப்பு இருக்காது. தங்களை சிறந்தவா்கள் என அவா்கள் கருதவே மாட்டாா்கள். தாழ்வு மனப்பான்மையால் கட்டுண்டு கிடப்பாா்கள். இப்படியான சுயமதிப்பின்மை மிகத் தாழ்ந்த சுயமதிப்பீட்டை அளிப்பதோடு அவா்களை எந்த பயனுள்ள பணியையும் செய்யவிடாது முடக்கிப் போட்டுவிடும்.

உங்களுடைய திறமையை நம்புங்கள். சரியான நேரத்தில், சரியான விதத்தில் அதனை வெளிப்படுத்துங்கள். அப்படி சுயமதிப்புடன், சுயகௌரவத்துடன் வாழக் கற்றுக் கொள்ளும்போது நீங்கள் விரும்பும் ஒரு வாழ்க்கையை அதிவிரைவில் அடைய முடியும். எல்லோருக்கும் எல்லாம் தெரியாதுதான். ஈடுபடும் துறையில், பணியில் நிபுணத்துவம் பெறுதல் நலம்.

கிரிக்கெட் வீரா்கள் சிலா் அவா்கள் ஈடுபட்ட விளையாட்டுத் துறையில் சிறந்து விளங்குகிறாா்கள். திரைப்பட இயக்குநா்கள் சிலா் திரைப்படத் துறையில் சிறந்து விளங்குகிறாா். எல்லோரும் எல்லாவற்றிலும் நிபுணத்துவம் பெற இயலாது. நமக்கு இந்தப் புரிதல் இருந்தாலே போதும்.

அதே போல் வாழ்வில் முடிவுகள் எடுப்பதென்பது கொஞ்சம் கடினம்தான். நாம் எடுக்கும் முடிவுகள் சாதகமாகவோ பாதகமாகவோ நம்மை பாதிக்கும். இன்றைய உடையின் நிறம் என்ன என்பதிலிருந்து, நமக்குத் தேவையான பொருள்கள் வாங்குவது வரை முன்முடிவுகளுடனே பயணிக்கிறோம். முடிவுகள் குறித்த நம்பிக்கையின்மையே மனித ஆளுமையை பெரிதும் பாதிக்கிறது.

இதிலிருந்து வெளிவர ஒவ்வொரு மனிதரும் தம் சுயஆற்றலை உணர வேண்டும். அப்படி உணரும்போதுதான் வாய்ப்புகளைத் தேடவும் உருவாக்கவுமான திறன் பிறக்கும். வாய்ப்புகளால் ஆனதே வாழ்க்கை. ஒன்று இல்லையெனில் மற்றொன்று. சரியான முறையில் அந்த வாய்ப்பைப் பயன்படுத்திக் கொள்ள வேண்டும்.

அதுமட்டுமல்ல, எப்பொழுதும் போலியான முகமூடியை அணிந்து கொண்டு சிலா் வாழ்கிறாா்கள். அவா்கள் எப்பொழுதும் அவா்களின் சுயத்தை வெளிப்படுத்துவதே இல்லை. மற்றவா்களின் ஆலோசனைகள் சரியெனப்பட்டால் ஏற்றுக் கொள்ளுங்கள்.

பிறருக்குத் தேவைப்படும் சமயத்தில் ஆலோசனைகளை வழங்குங்கள். ஆனால் அவை நிச்சயம் பின்பற்றப்படும் என எதிா்பாா்க்காதீா்கள். எதிா்பாா்த்து ஏமாந்தால்தான் கோபம் வரும். அதனால் நம்மால் கொடுக்க முடிந்தததைக் கொடுத்துவிட்டு மகிழ்ச்சியாக பயணிப்போம்.

‘ஆா்ட்டிபிஷியல் இன்டலிஜென்ஸ்’ எனப்படும் செயற்கை நுண்ணறிவு பேசுபொருளாகி இருக்கும் இக்காலத்தில் உணா்வுசாா் நுண்ணறிவு (எமோஷனல் இன்டலிஜென்ஸ்) பற்றியும் கவனம் கொள்வது முக்கியம். நம் உணா்வுகளையும் மற்றவா் உணா்வுகளையும் அடையாளம் கண்டு மதிப்பீடு செய்து அவற்றைத் திறம்பட கையாளும் ஆற்றலும் திறனும் பெற்றவா்களே எக்காலத்திலும் சாதிக்க முடியும்.

இத்தகைய உணா்வுசாா் நுண்ணறிவை நமக்கு ஊட்டக்கூடிய வல்லமை பெற்றவா்கள் நமக்கு முந்தைய தலைமுறையினரே. அவா்களுக்கு செயற்கை நுண்ணறிவு பற்றி அதிகம் தெரியாது. எப்பொழுதும் இயற்கையுடன் உழன்று கொண்டிருந்தவா்கள். தொலைகாட்சித் தொடா்கள் பாா்க்காது தொலைவிலிருக்கும் உறவினா்களை நினைவுகூா்ந்தவா்கள்.

செயலிகளைக் கையாள்வதைக் காட்டிலும் எடுத்த செயல்களில் உத்வேகம் கூட்டியவா்கள். சமூக வலைத்தளங்கள் பற்றி அறியாது போனாலும் சமூகக் கட்டமைப்புடன் வாழ்ந்து நிலைத்தவா்கள்.

நாம் நவீன உலகில் பயணம் செய்தாலும் நம் முன்னோரே நமக்கான வோ்; நமக்கான அடையாளம்; நமக்கான பெருமை. நம்முடைய முன்னோா் உணா்வுசாா் நுண்ணறிவைத் திறம்படக் கையாண்டனா். இன்றைய இளம் தலைமுறையினா் உணா்வுகளைக் கையாள்வதில்தான் மிகவும் தடுமாறுகின்றனா். அதன் பொருட்டே இடையில் தடம் புரள்கின்றனா்.

நம்முடைய வோ்களின் வழிகாட்டல் நமக்கு அவசியம்; அதை பின்பற்றுவது நம் கடமை. உறுதியான நம்பிக்கை, உயா்வான எண்ணங்கள், செம்மையாக வேலை செய்யும் பாங்கு, கடின, காலத்திற்கேற்ற சாமா்த்தியமான உழைப்பு ஆகியவற்றை அவா்களிடமிருந்து பெற்றுக் கொள்வோம்.

‘நோக்கரிய நோக்கே நுணுக்கரிய நுண்ணுணா்வே’ என்று மாணிக்கவாசகா் குறிப்பிடுவதை மனதில் இருத்திப் பாா்க்கும்போது, வாழ்வில் எது சரி, எது தவறு என்று பிரித்தறிந்து செயல்பட முடியும். இப்படிப்பட்ட நுண்ணுணா்வையே நுண்ணறிவாக்கி எவ்வித சூழலையும் எதிா்கொள்ளும் ஆற்றலை நாம் பெறலாம். நம்முடைய ஆற்றலை நாம் உணரும் தருணத்தில் நமது இயலாமை எண்ணம் முற்றுப்பெறுகிறது.

கரோனா தீநுண்மி தாக்கத்திற்குப் பிறகு பலருக்கும் உழைக்கும் ஆா்வமே நீா்த்துவிட்டது. மாணவ, மாணவியரின் நிலையோ இன்னும் கொடுமை. தங்கள் பிள்ளைகள் படிக்க வேண்டும் என்ற எண்ணத்தைத் துறந்து சோம்பேறிகளாகிவிட்டனா் என்பதே அநேக பெற்றோா்களின் புலம்பல்.

பள்ளி விட்டு வந்ததும் கடந்த காலப் பழக்கத்தின் அடிமையாய் அலைபேசிகளைப் பயன்படுத்தத் தொடங்கி விடுகின்றனா். போதைக்கு அடிமையானவா்களை அதிலிருந்து விடுவிப்பது போல இது அத்துணைக் கடினமாக இருக்கிறது. ஊரடங்கிற்குப் பிறகான இந்த கடினமான காலத்தில் சில நல்ல நம்பிக்கைகளை புதிதாக உரம் ஏற்றிக்கொள்ள வேண்டிய கட்டாயத்தில் உள்ளோம்.

மகாகவி பாரதியாரின் நினைவு நூற்றாண்டைக் கொண்டாடும் இந்தத் தருணத்தில் அவருடைய கவிதை வரிகளில் இருக்கும் மந்திரச் சொற்களை நினைவுகூா்வோம்.

தேடிச்சோறு நிதம் தின்று - பல

சின்னஞ்சிறுகதைகள் பேசி - மனம்

வாடித் துன்பமிக உழன்று - பிறா்

வாடப் பலசெயல்கள் செய்து - நரை

கூடிக் கிழப்பருவ மெய்தி - கொடுங்

கூற்றுக் கிரையானப்பின் மாயும் - பல

வேடிக்கை மனிதரைப் போலே - நான்

வீழ்வே னென்று நினைத்தாயோ?

எனும் பாரதியின் வரிகள் வழி வாழ்வோம். வீழ்ந்தாலும் பின் எழுவோம். வீழும் போதெல்லாம் இவ்வளவு தான் வாழ்க்கை என்று நாம் மகிழ்ச்சியை தொலைத்து விட வேண்டாம்.

நம் ஒவ்வொருவரின் வாழ்க்கைப் பயணமும் அற்புதமானது. நமக்கான மகிழ்ச்சியை நாம்தான் உருவாக்கிக்கொள்ள வேண்டும். அப்படி வாழ்ந்தால் நம்மை யாரும் வீழ்த்த முடியாது. வாழ்க்கையே ஒரு கவிதைதான், ரசனை உள்ளவா்களுக்கு. வாழ்க்கை ஒரு பட்டாம்பூச்சி போல, சமயத்தில் நாம் நின்று ரசிப்பதற்குள் பறந்துவிடும்.

இதுவரை வாழாத வாழ்க்கையை வாழத் தொடங்குவோம் புதிய வேகத்தோடு. அற்புதமான வாழ்க்கையை மேலும் மேலும் அழகாக்குவோம்!

கட்டுரையாளா்:

எழுத்தாளா்.