விருதுநகர் மாவட்டம், கிருஷ்ணன்கோவில், கலசலிங்கம் பல்கலைக்கழகத்தில் 2016-17-ம் ஆண்டிற்கான பி.டெக். மாணவர் சேர்க்கைக்கான விண்ணப்ப விநியோகம் தொடக்க விழா வெள்ளிக்கிழமை நடைபெற்றது. மாணவர் சேர்க்கை பிரிவு இயக்குநர் டாக்டர் எஸ்.என்.ராமசாமி வரவேற்றார்.

பல்கலைக்கழக வளாகத்தில் உள்ள ஆனந்த விநாயகர் சன்னதியில் விண்ணப்பப் படிவங்களை வைத்து சிறப்பு பூஜைகள் நடைபெற்றது.

பின்னர் வேந்தர் க.ஸ்ரீதரன், ஒரு மாணவருக்கு விண்ணப்பத்தினை வழங்கி, விநியோகத்தைத் தொடங்கி வைத்தார்.

நிகழ்ச்சியில் பல்கலைக்கழக இயக்குநர்கள் டாக்டர் எஸ்.சசி ஆனந்த், அர்ஜூன் கலசலிங்கம், சென்னை ஆனந்த் இன்ஸ்டிடியூட் ஆப் டெக்னாலஜி இயக்குநர் டாக்டர் எஸ்.அறிவழகி, பதிவாளர் வெ.வாசுதேவன், பேராசிரியர்கள் உள்ளிட்ட ஏராளமானோர் கலந்து கொண்டனர்.

வேந்தர் ஸ்ரீதரன் கூறுகையில், மாணவர் சேர்க்கை விண்ணப்பம் இந்தியா முழுவதும் உள்ள 20 மாணவர் சேர்க்கை மையங்களுக்கு அனுப்பி வைக்கப்பட்டு, விநியோகம் தொடங்கியுள்ளது என்றார்.