தெற்கு ஆசியாவில் முதல் இரவு நேர ஃபார்முலா 4 கார் பந்தயம் அமைச்சர் உதயநிதி கொடியசைத்து தொடங்கி வைத்தார். - R Senthilkumar
பகிர்:
சென்னை ஃபார்முலா ரேசிங் சர்க்யூட் போட்டி மற்றும் இந்தியன் ரேஸிங் லீக் கார் பந்தயம் நேற்று தீவுத்திடல் பகுதியில் பயிற்சிசுற்றுகளுடன் தொடங்கியது. தெற்கு ஆசியாவில் முதல் முறையாக நடத்தப்படும் இரவு நேர சாலை ஃபார்முலா 4 கார் பந்தயம் இதுவாகும்.கார்கள் இரு பக்கவாட்டு சக்கரங்கள் மட்டுமே தரையில் இருந்தபடி அதிவேகத்தில் சென்றதை கண்டு ஆச்சரியம் அடைந்த ரசிகர்கள். 200 கிலோ மீட்டர் வேகத்துக்கு மேல் சென்ற இந்த ஃபார்முலா 4 கார்களை பார்வையாளர்கள் உற்சாகமாக கண்டுகளித்தனர். ஒரு அணிக்கு 2 வீரர்கள் வீதம் 16 பேர் கலந்து கொள்கிறார்கள்.முதல் சுற்று கடந்த 24 மற்றும் 25-ம் தேதிகளில் சென்னையை அடுத்த இருங்காட்டு கோட்டையில் நடைபெற்றது.சென்னையில் நடைபெறுவது 2-வது சுற்று போட்டியாகும்.3-வது சுற்று போட்டி கோவையில் வரும் 13 முதல் 15-ம் தேதி நடைபெறும்.4-வது மற்றும் 5-வது சுற்றுகள் அக்டோபர், நவம்பரில் கோவா மற்றும் கொல்கத்தாவில் நடத்தப்படும்.சுமார் 3.5 கிலோ மீட்டர் சுற்றளவு கொண்ட சர்க்யூட் தீவுத்திடல், போர் நினைவுச்சின்னம், நேப்பியர்பாலம், சுவாமி சிவானந்தா சாலை மற்றும் அண்ணா சாலை ஆகியவற்றில் அமைக்கப்பட்டது.