ஜம்மு காஷ்மீர் மாநிலம் உதம்பூர் மாவட்டம், ராம்நகர் பகுதியில் இன்று நேரிட்ட மிகப் பயங்கர சாலை விபத்தில் 14 பேர் உயிரிழந்தனர். 17 பேர் காயமடைந்தனர்.

ஏராளமானோரை ஏற்றிக் கொண்டு மிக வேகமாக வந்த சிறிய பேருந்து, சாலை வளைவில் நிலைதடுமாறி அருகில் இருந்த பள்ளத்தில் கவிழ்ந்ததில், பேருந்தில் இருந்த 14 பேர் சம்பவ இடத்திலேயே உயிரிழந்தனர்.

17 பேர் படுகாயங்களுடன் மீட்கப்பட்டனர். இவர்களில் 7 பேரின் நிலைமை கவலைக்கிடமாக உள்ளது.

24 பேரை ஏற்றத்தக்கப் பேருந்தில் 31 பேர் ஏற்றப்பட்டிருந்தனர். அதிக வேகம் காரணமாக, பேருந்து ஓட்டுநரின் கட்டுப்பாட்டை இழந்ததால் இந்த விபத்து நேரிட்டதாக காவல்துறை அதிகாரிகள் தெரிவிக்கின்றனர்.