மின்னணு வாக்குப்பதிவு இயந்திரத்தில் சந்தேகம் இருப்பதாக தெலங்கானா மாநில காங்கிரஸ் குற்றம்சாட்டியது. தெலங்கானா மாநிலத்தில் காங்கிரஸ் மிகப்பெரிய தோல்வியை சந்தித்துள்ள நிலையில், அக்கட்சி தெரிவித்ததாவது:

இந்த தேர்தலின் போது வாக்குப்பதிவு இயந்திரங்களில் கோளாறு ஏற்படுத்தியிருக்கலாம். இதனால் எங்களுக்கு அதில் சந்தேகம் உள்ளது. எனவே அனைத்து வாக்காளர்களின் வாக்குச்சீட்டு ஒப்புகையை 100 சதவீதம் மறு ஆய்வு செய்ய வேண்டும்.

இது உடனடியாக அனைத்து தொகுதிகளிலும் சரிபார்க்கப்பட வேண்டும். இதுதொடர்பாக அனைத்து காங்கிரஸ் வேட்பாளர்களும் தங்கள் தொகுதி தேர்தல் பொறுப்பாளர்களிடம் இதுகுறித்து மனு அளித்து நடவடிக்கை எடுக்க வலியுறுத்த வேண்டும் என்று தெலங்கானா மாநில காங்கிரஸ் தலைவர் உத்தம் குமார் ரெட்டி தெரிவித்தார்.