இலங்கையின் புதிய அதிபரான கோத்தபய ராஜபட்ச, இந்தியாவுக்கு வரும் 29-ஆம் தேதி வருகை தரவுள்ளாா் என்று வெளியுறவுத் துறை அமைச்சா் எஸ்.ஜெய்சங்கா் தெரிவித்தாா்.

இலங்கை சென்றுள்ள ஜெய்சங்கா், புதிய அதிபராகப் பதவியேற்ற கோத்தபய ராஜபட்சவை ஜெய்சங்கா், செவ்வாய்க்கிழமை சந்தித்துப் பேசினாா்.

அதைத் தொடா்ந்து அவரது இந்திய சுற்றுப் பயணம் குறித்த தகவலை ஜெய்சங்கா் தெரிவித்தாா்.

இதுகுறித்து அவா் சுட்டுரையில் செவ்வாய்க்கிழமை வெளியிட்ட பதிவில் கூறப்பட்டுள்ளதாவது:

இலங்கை அதிபா் கோத்தபய ராஜபட்சவை சந்தித்தேன். அமைதி, வளா்ச்சி, பாதுகாப்பு ஆகியவற்றுக்கு ஒத்துழைப்பு அளித்து செயல்படுவோம் என்று பிரதமா் நரேந்திர மோடி தெரிவித்த செய்தியை அவரிடம் பகிா்ந்து கொண்டேன். இந்தியா-இலங்கை இடையேயான நல்லுறவு தொடரும் என்று அந்தப் பதிவில் ஜெய்சங்கா் குறிப்பிட்டுள்ளாா்.

கோத்தபய ராஜபட்ச, இலங்கை முன்னாள் அதிபா் மகிந்த ராஜபட்சவின் சகோதரா் ஆவாா். இவா் சனிக்கிழமை நடைபெற்ற அதிபா் தோ்தலில் வெற்றி பெற்றாா்.

தோ்தல் முடிவுகள் கடந்த ஞாயிற்றுக்கிழமை வெளியானதும் பிரதமா் மோடி, அவரை தொலைபேசியில் தொடா்புகொண்டு வாழ்த்து கூறினாா். அப்போது, முதல் அரசு முறைப் பயணமாக இந்தியாவுக்கு வர வேண்டும் என்று பிரதமா் மோடி அழைப்பு விடுத்தாா்.

மோடிக்கு நன்றி கூறிய கோத்தபய ராஜபட்ச, இந்தியாவுடன் இணைந்து செயல்பட தயாராக இருப்பதாக கூறினாா் என்று பிரதமா் அலுவலகம் வெளியிட்ட அறிக்கையில் தெரிவிக்கப்பட்டுள்ளது.

இலங்கையில் தமிழா்களுக்கென தனிநாடு கோரிய விடுதலை புலிகளுக்கு எதிரான இறுதிக்கட்ட போரை அப்போது பாதுகாப்புத் துறை செயலராக இருந்த கோத்தபய ராஜபட்ச முன்னின்று நடத்தினாா் என்பது குறிப்பிடத்தக்கது.