பிரதமர் மோடியை  புதன்கிழமை சந்திக்கும்போது மேற்கு வங்கத்தின் பிரச்னைகளுக்கு முக்கியத்துவம் அளித்துப் பேசுவேன் என்று அந்த மாநில முதல்வரும், திரிணமூல் காங்கிரஸ் கட்சியின் தலைவருமான மம்தா பானர்ஜி தெரிவித்தார்.
தில்லி புறப்படுவதற்கு முன்பு கொல்கத்தா விமான நிலையத்தில் செய்தியாளர்களை செவ்வாய்க்கிழமை சந்தித்த அவர், இதுதொடர்பாக மேலும் கூறியதாவது:
மேற்கு வங்கத்தின் பெயரை பங்களா என பெயர் மாற்றும் விவகாரம், பொதுத் துறை வங்கிகளை இணைத்தது, பிஎஸ்என்எல், ஏர் இந்தியா ஆகிய நிறுவனங்கள் எதிர்கொண்டுவரும் பிரச்னைகள் உள்ளிட்டவை குறித்து பிரதமர் மோடியுடன் ஆலோசிப்பேன் என்று தெரிவித்தார்.