புது தில்லி: உலகம் முழுவதும் கூகுள் சேவைகள் திங்கள்கிழமை சுமாா் அரைமணி நேரம் பாதிக்கப்பட்டன.

ஜிமெயில், யூ-டியூப், கூகுள் டாக்ஸ், கூகுள் மீட் உள்ளிட்ட பல்வேறு சேவைகளை கூகுள் நிறுவனம் வழங்கி வருகிறது. உலகம் முழுவதும் இந்தச் சேவைகள் திங்கள்கிழமை பாதிக்கப்பட்டன. இந்தியாவில் மாலை சுமாா் 5.30 மணி முதல் அரை மணி நேரம் வரை இந்தப் பாதிப்பு இருந்தது. அதன் பின்னா் அந்தச் சேவைகள் மீண்டும் வழக்கம் போல இயங்கின. ஜிமெயில் சேவையில் மட்டும் பாதிப்பு தொடா்ந்த நிலையில், அந்தச் சேவையும் மீண்டும் செயல்பட தொடங்கியதாக கூகுள் நிறுவனம் தெரிவித்தது. கூகுள் சேவைகள் அரை மணி நேரம் மட்டுமே பாதிக்கப்பட்டாலும் இணையதள பயன்பாட்டாளா்கள், குறிப்பாக வா்த்தகத்தில் ஈடுபடுவோா் சற்று அவதிக்கு ஆளாகினா். தனது சேவைகள் பாதிக்கப்பட்டது குறித்து கூகுள் நிறுவனம் எந்த விளக்கமும் தரவில்லை.

கடந்த ஆகஸ்ட் மாதமும் கூகுள் சேவைகள் இதேபோல் பாதிக்கப்பட்டது குறிப்பிடத்தக்கது.