மகாராஷ்டிரத்தில் இன்று (புதன்கிழமை) புதிதாக 10,576 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது.

மகாராஷ்டிர கரோனா நிலவரம் பற்றிய இன்றைய தரவுகளை மாநில சுகாதாரத் துறை வெளியிட்டுள்ளது. இதன்படி, அங்கு இதுவரை இல்லாத அளவுக்கு புதிதாக 10,576 பேருக்கு கரோனா தொற்று இருப்பது கண்டறியப்பட்டுள்ளது. மேலும் 280 பேர் பலியாகியுள்ளனர்.

இதைத் தொடர்ந்து அங்கு மொத்தம் பாதித்தோர் எண்ணிக்கை 3,37,607 ஆக உயர்ந்துள்ளது. பலி எண்ணிக்கை 12,556 ஆக உயர்ந்துள்ளது.

இன்று மேலும் 5,552 பேர் குணமடைந்து வீடு திரும்பியுள்ளனர். இதுவரை 1,87,769 பேர் குணமடைந்துள்ளனர். இன்றைய தேதியில் 1,36,980 பேர் சிகிச்சை பெற்று வருகின்றனர்.

தாராவி:

ஆசியாவின் மிகப் பெரிய குடிசைப் பகுதியான மும்பை தாராவியில் இன்று புதிதாக 5 பேருக்கு மட்டும் கரோனா தொற்று இருப்பது உறுதி செய்யப்பட்டுள்ளது. இதைத் தொடர்ந்து அங்கு மொத்தம் பாதித்தோர் எண்ணிக்கை 2,507 ஆக உயர்ந்துள்ளது. இதில் 2,116 பேர் குணமடைந்து வீடு திரும்பியுள்ளனர். இன்றைய நிலவரப்படி 141 பேர் சிகிச்சை பெற்று வருகின்றனர்.