ஜீ மீடியா நிறுவனத்தின் இயக்குநா் புனித் கோயங்கா தனது பதவியை ராஜிநாமா செய்துள்ளாா்.

ஜீ மீடியா நிறுவனமானது 6 மொழிகளில் 10 செய்தி தொலைக்காட்சி சேனல்களை நிா்வகித்து வருகிறது. அந்நிறுவனத்தின் இயக்குநராக புனித் கோயங்கா பதவி வகித்து வந்தாா்.

இந்நிலையில் தனது பதவியை புனித் கோயங்கா ராஜிநாமா செய்துள்ளாா். இது தொடா்பாக ஜீ மீடியா நிறுவனம் வெளியிட்ட செய்திக் குறிப்பில், ‘ஜூலை 22-ஆம் தேதியோடு புனித் கோயங்கா இயக்குநா் பதவியிலிருந்து விலகுகிறாா்’ என்று குறிப்பிடப்பட்டுள்ளது.

ஜீ எண்டா்டெயின்மெண்ட் நிறுவனத்தின் இயக்குநராகவும் தலைமை செயல் அதிகாரியாகவும் புனித் கோயங்கா பதவி வகித்து வருகிறாா். எஸ்ஸல் குழும நிறுவனங்களின் தலைவா் சுபாஷ் சந்திராவின் மூத்த மகன் புனித் கோயங்கா என்பது குறிப்பிடத்தக்கது.