புது தில்லி/ புலந்த்சாகா்: உத்தரப் பிரதேச பாஜக எம்எல்ஏ வீரேந்திர சிரோஹி உடல்நலக்குறைவால் சிகிச்சைப் பெற்று வந்த நிலையில் தில்லி மருத்துவமனையில் திங்கள்கிழமை காலமானாா். அவருக்கு வயது 73.

பாஜக மூத்த தலைவரும், முன்னாள் மாநில அமைச்சருமான வீரேந்திர சிரோஹி, கல்லீரல் நோயால் பாதிக்கப்பட்டு 15 தினங்களுக்கு முன் மருத்துவமனையில் அனுமதிக்கப்பட்டிருந்தாா். அவா் திங்கள்கிழமை அதிகாலை 3.30 மணியளவில் காலமானதாக அவரது மகன் திக்விஜய் சிரோஹி தெரிவித்தாா்.

அவரது இறுதிச் சடங்கு புலந்த்சாகரில் உள்ள இல்லத்தில் நடைபெறும் என்று அவா் கூறினாா்.

முதல்வா் இரங்கல்:

இந்நிலையில் வீரேந்தர சிரோஹியின் மறைவுக்கு இரங்கல் தெரிவித்து முதல்வா் யோகி ஆதித்யநாத் தனது சுட்டுரையில் பதிவிட்டுள்ளதாவது:

‘புலந்த்சாகா் தொகுதி எம்எல்ஏ வீரேந்திர சிங் சிரோஹியின் மறைவு செய்தியைக் கேட்டு வேதனையடைந்தேன். அவரது மறைவு சமுதாயத்துக்கு ஈடுசெய்ய முடியாத இழப்பாகும். கடவுள் ராமா் தனது காலடியில் அவருக்கு ஒரு இடத்தை வழங்கவும், துயரமடைந்துள்ள அவரது குடும்பத்திற்கு இந்த வேதனையைத் தாங்கவும், ஆறுதல் அளிக்கவும் பிராா்த்தனை செய்கிறேன்’ என்று பதிவிட்டுள்ளாா்.

வீரேந்திர சிரோஹி முதன்முறையாக உத்தரப் பிரதேச சட்டப்பேரவைத் தோ்தலில் 1996ல் போட்டியிட்டு எம்எல்ஏ ஆனாா். பின்னா் 2007, 2017 ஆகிய இரண்டு தோ்தலிலும் போட்டியிட்டு எம்எல்ஏவாக தோ்ந்தெடுக்கப்பட்டாா். 1997 முதல் 2002-ஆம் ஆண்டு வரை மாயாவதி தலைமையிலான அரசில் மாநில வருவாய்த்துறை அமைச்சராக அவா் பதவி வகித்துள்ளாா்.