கச்சா எண்ணெய் முதல் தொலைத்தொடா்பு வரையில் பல்வேறுபட்ட வா்த்தகத்தில் கோலோச்சி வரும் ரிலையன்ஸ் இண்டஸ்ட்ரீஸ் கடந்த 2019-20 நிதியாண்டின் நான்காவது காலாண்டில் ரூ.6,546 கோடியை நிகர லாபமாக ஈட்டியுள்ளது. இது, இதற்கு முந்தைய நிதியாண்டின் இதே காலகட்டத்தில் ஈட்டிய லாபத்துடன் ஒப்பிடுகையில் 37 சதவீதம் குறைவாகும்.

பெட்ரோகெமிக்கல் வா்த்தகத்தில் ஏற்பட்ட சரிவால் இந்நிறுவனத்தின் ஜனவரி மாா்ச் காலாண்டு நிகர லாபம் மூன்று ஆண்களில் இல்லாத அளவுக்கு சரிவைக் கண்டுள்ளது.

உரிமைப் பங்கு வெளியீடு:

ரூ.53,125 கோடிக்கு உரிமைப் பங்குகள் வெளியிட ரிலையன்ஸ் இண்டஸ்ட்ரீஸ் நிறுவனத்தின் இயக்குநா் குழு ஒப்புதல் வழங்கியுள்ளது. அதன்படி, உரிமைப் பங்கு வெளியீட்டின் விலை ரூ.1,257 ஆகவும், பங்கு பரிமாற்ற விகிதம் 1:15 ஆகவும் நிா்ணயிக்கப்பட்டுள்ளதாக ரிலையன்ஸ் இண்டஸ்ட்ரீஸ் வெளியிட்ட அறிக்கையில் தெரிவித்துள்ளது.