இந்திய பொருளாதாரம் தொடர்ந்து வளர்ச்சிப் பாதையில் செல்வதாக பொருளாதாரத் துறை செயலாளர் தருண் பஜாஜ் செவ்வாய்க்கிழமை தெரிவித்துள்ளார்.

இந்திய பொருளாதாரம் குறித்து தருண் பேசுகையில்,

“கரோனா தொற்று இருந்த போதிலும் தொடர்ந்து வளர்ச்சிப் பாதையில் செல்வதாகத் தான் கருதிகிறோம். பொதுமுடக்கத்திற்கு பிறகு கடந்த சில மாதங்களாக பொருளாதாரத்தில் முன்னேற்றத்தை காண்கிறோம்.

நவம்பர் மாதம் மேலும் முன்னேற்றத்தை எதிர்பார்க்கிறோம். பொருளாதார வல்லுநர்கள் எதிர்பார்த்ததைவிட மிக வேகமாக முன்னேற்றம் அடைந்து வருகின்றோம். அடுத்த நிதியாண்டில் இந்தியாவின் வளர்ச்சியானது 8.8 சதவீதமாக இருக்கும் என சர்வதேச நாணய நிதியகம் தெரிவித்துள்ளது” என பேசினார்.