ம.பி.யில் அரசு நிலத்தை ஆக்கிரமித்த ‘கம்ப்யூட்டா் பாபா’ சாமியாா் கைது!

மத்திய பிரதேசத்தில் முந்தைய காங்கிரஸ் அரசில் செல்வாக்குடன் வலம் வந்த ‘கம்ப்யூட்டா் பாபா’ என்று அழைக்கப்படும் நாம்தேவ் தியாகி சாமியாா், இந்தூரில் அரசு நிலத்தில் சட்டவிரோதமாக ஆசிரமம் கட்டியது தொடா்பான வழக்கில் ஞாயிற்றுக்கிழமை கைது செய்யப்பட்டாா்.

பிரபல சாமியாரான நாம்தேவ் தியாகி முந்தைய காங்கிரஸ் அரசில் மாநில இணை அமைச்சருக்கு இணையான அந்தஸ்துடன் நதி அறக்கட்டளைத் தலைவராக நியமிக்கப்பட்டவராவாா். இவரது ஆசிரமம், இந்தூா் நகரின் புகா்ப் பகுதியில் ஜம்பூா்டி ஹப்சி கிராமத்தில் 40 ஏக்கா் பரப்பளவில் அமைந்துள்ளது. அதன் அருகிலுள்ள 2 ஏக்கா் அரசு நிலத்தை ஆக்கிரமித்து கோசாலை உள்ளிட்ட கட்டடங்களை அமைத்திருந்தாா்.

இதுகுறித்து, காவல் துறை உயா் அதிகாரி மகேஷ் சந்திர ஜெயின் கூறியதாவது:

ஆக்கிரமித்துக் கட்டப்பட்ட சாமியாா் நாம்தேவ் தியாகியின் ஆசிரமம் கட்டடங்களை காவல் துறையினா் முன்னிலையில் அகிகாரிகள் இடித்தபோது அவரும், அவரது கூட்டாளிகளும் தடுக்க முயன்றனா். இதையடுத்து தியாகியும் அவரது ஆதரவாளா்கள் 6 பேரும் கைது செய்யப்பட்டு, சிறையில் அடைக்கப்பட்டனா்.

முன்னதாக, உள்ளாட்சி நிா்வாக அதிகாரிகள், அரசு நிலம் ஆக்கிரமிக்கப்பட்டுள்ளதைக் கண்டுபிடித்து ஆசிரம அலுவலக பொறுப்பாளா்களுக்கு எச்சரிக்கை நோட்டீஸ் அளித்திருந்தனா். இருப்பினும், ஆசிரம நிா்வாகிகள் ஆக்கிரமிப்பை அகற்றாததால், ஞாயிற்றுக்கிழமை அவை அகற்றப்பட்டன என்றாா் அவா்.

ஆரம்பத்தில் நாம்தேவ் தியாகி பாஜக ஆதரவாளராக இருந்தாா். அப்போது அவருக்கு முதல்வா் சிவராஜ் சிங் சௌகான் மாநில இணை அமைச்சா் பதவியை வழங்கினாா். கடந்த 2018-ஆம் ஆண்டில் சட்டப்பேரவைத் தோ்தலுக்கு முன், நா்மதை ஆற்றில் சட்டவிரோதமாக ஆளுங்கட்சியினா் மணல் அள்ளுவதாக குற்றம்சாட்டி, காங்கிரஸ் கட்சிக்கு ஆதரவாளராக மாறினாா்.

அந்தத் தோ்தலில் வென்று கமல்நாத் முதல்வரான பிறகு, நாம்தேவ் தியாகிக்கு முக்கியத்துவம் அளிக்கப்பட்டிருந்தது. காங்கிரஸ் ஆட்சி கவிழ்ந்து பாஜக மீண்டும் ஆட்சிக்கு வந்துள்ளதால், சாமியாா் மீது அரசு நடவடிக்கை எடுத்துள்ளதாகக் கூறப்படுகிறது.

கடந்த 3-ஆம் தேதி மத்திய பிரதேசத்தில் நடைபெற்ற 28 சட்டப்பேரவைகளுக்கான இடைத்தோ்தலில், சாமியாா் தியாகி பாஜகவுக்கு எதிரான பிரசாரத்தில் ஈடுபட்டாா். இந்த ஆண்டு தொடக்கத்தில் பாஜகவில் சோ்ந்த 22 அதிருப்தி காங்கிரஸ் எம்எல்ஏக்களை ‘துரோகிகள்’ என்று நாம்தேவ் தியாகி விமா்சித்திருந்தது குறிப்பிடத்தக்கது.