ஹிமாசல முதல்வருக்கு கரோனா பாதிப்பு

ஹிமாசல பிரதேச முதல்வர் ஜெய் ராம் தாக்கூருக்கு கரோனா தொற்று பாதிப்பு இருப்பது உறுதிசெய்யப்பட்டுள்ளது. 

இதுதொடர்பாக அவர் சுட்டுரையில் தெரிவித்ததாவது, 

கடந்த சில நாள்களுக்கு முன்னதாக, கரோனா தொற்று பாதிக்கப்பட்ட நபருடன் தொடர்பு கொண்டதால், ஒரு வாரக் காலமாக எனது வீட்டிலேயே சுய தனிமைப்படுத்துதலில் என்னை ஈடுபடுத்திக் கொண்டேன். 

ஆனால், கடந்த இரண்டு நாள்களாக கரோனா தொற்றுக்கான அறிகுறிகள் தென்பட்டதால், கரோனா பரிசோதனை செய்தேன். அதில் வைரஸ் தொற்று இருப்பது உறுதியாகியுள்ளது. 

மேலும், மருத்துவர்களின் ஆலோசனையின்படி வீட்டில் தனிமைப்படுத்தப் பட்டுள்ளேன். தொற்றிலிருந்து விரைவில் மீள்வேன் என்று அவர் கூறியுள்ளார்.