பிரபல பாலிவுட் நடிகர் கோவிந்தாவுக்கு கரோனா தொற்று உறுதி செய்யப்பட்டுள்ளது. 
பிரபல பாலிவுட் நடிகர் கோவிந்தா(57). 2019ஆம் ஆண்டும் இவரது நடிப்பில் ரங்கீலா ராஜா என்கிற திரைப்படம் வெளியானது. 
இந்த நிலையில் கோவிந்தாவுக்கு லேசான அறிகுறியுடன் கரோனா தொற்று உறுதி செய்யப்பட்டிருப்பதாக அவரது மனைவி சுனிதா தெரிவித்துள்ளார். 
மேலும் அவர் கூறுகையில், கவலைப்பட ஒன்றுமில்லை. அவர் வீட்டிலேயே தனிமைப்படுத்தப்பட்டு முன்னெச்சரிக்கை நடவடிக்கைகளை மேற்கொண்டு வருகிறார் என்றார். 
இதனிடையே பிரபல பாலிவுட் நடிகர் அக்ஷய குமாருக்கு கரோனா தொற்று உறுதி செய்யப்பட்டிருப்பது குறிப்பிடத்தக்கது.