கர்நாடக மாநிலத்தின் புதிய அமைச்சர்களாக 29 பேருக்கு ஆளுநர் தாவர்சந்த் கெலாட் இன்று பதவிப்பிரமாணம் செய்துவைத்தார்.

எடியூரப்பாவின் ராஜிநாமாவை தொடர்ந்து கடந்த ஜூலை 28ஆம் தேதி கா்நாடக புதிய முதல்வராக பசவராஜ் பொம்மை பதவி ஏற்றார். இதையடுத்து அமைச்சரவையை விரிவாக்கம் செய்ய தில்லி பாஜக மேலிடத்தில் தொடர் ஆலோசனை நடைபெற்று வந்தது.

படிக்க | கர்நாடகத்தில் 29 அமைச்சர்கள் பதவியேற்பு: துணை முதல்வர் இல்லை

இந்நிலையில், அமைச்சரவைப் பட்டியல் இறுதி செய்ததையடுத்து இன்று பிற்பகல் 2.15 மணியளவில் ஆளுநர் மாளிகையில் பதவிப்பிரமாண நிகழ்ச்சி நடைபெற்றது.

இதில், 29 அமைச்சர்களுக்கு ஆளுநர் தாவர்சந்த் கெலாட் பதவிப்பிரமாணம் செய்து வைத்தார். இந்த நிகழ்வில் முதல்வர் பசவராஜ் பொம்மையும் கலந்து கொண்டார்.

புதிய அமைச்சரவையில் துணை முதல்வர் பதவி யாருக்கும் வழங்கப்படவில்லை என்பது குறிப்பிடத்தக்கது.