முப்படைத் தலைமை தளபதி விபின் ராவத், அவரது மனைவி மற்றும் ராணுவ உயரதிகாரிகள் 14 பேருடன் சூலூர் விமானப் படை தளத்திலிருந்து புதன்கிழமை பகல் 11 மணியளவில் வெலிங்கடன் சென்ற விமானம் குன்னூர் அருகே 12.30 மணியளவில் விபத்துக்குள்ளானது.

ஹெலிகாப்டர் விபத்தில் சிக்கிய விபின் ராவத் மற்றும் அவரது மனைவி உள்பட 13 பேர் பலியானது உறுதி செய்யப்பட்டிருக்கிறது.

இந்நிலையில் , இந்திய கிரிக்கெட் அணியின் கேப்டன் விராட் கோலி டிவிட்டரில் ‘முன்பு ஒரு காலத்தில்’ என நகைச்சுவையாக ஒரு படத்தை பதிவு செய்திருக்கிறார். அதைக் கண்டித்து, நாட்டின் முப்படைத் தலைமை தளபதி விபின் ராவத் விபத்தில் சிக்கியிருக்கும் நேரத்தில் இந்தப்பதிவு அருவருப்பை ஏற்படுத்துகிறது என டிவிட்டரில் பலர் கருத்து தெரிவித்து வருகிறார்கள்.