தில்லிக்கு மூன்று நாள் பயணம் மேற்கொண்டுள்ள மேற்கு வங்க முதல்வர் மம்தா பானர்ஜி, பிரதமர் மோடியை நேரில் சந்தித்து ஆலோசனை நடத்தினார்.

தில்லியில் உள்ள பிரதமர் இல்லத்தில் நடைபெற்ற இந்த சந்திப்பில் மேற்கு வங்க மாநிலத்திற்கு கூடுதல் தடுப்பூசிகள் வழங்குவது மற்றும் மாநில வளர்ச்சித் திட்டங்கள் குறித்தும் விவாதிக்கப்பட்டதாக தெரிவிக்கப்பட்டுள்ளது.

அதனைத் தொடர்ந்து எதிர்க்கட்சிகளை வழிநடத்துவது குறித்த செய்தியாளர்கள் எழுப்பிய கேள்விக்கு பதிலளித்த மம்தா பானர்ஜி, எதிர்க்கட்சிகள் ஒற்றுமையாக இருக்க நாடு வழிநடத்தும் எனத் தெரிவித்தார்.

மேலும், தில்லியில் நாடாளுமன்ற குளிர்காலக் கூட்டத்தொடர் நடைபெற்று வரும் நிலையில் திரிணமூல் நாடாளுமன்ற உறுப்பினர்களுடன் நாளை காலை ஆலோசனை நடத்தவுள்ளார்.