கா்நாட மாநிலத்தில் சட்ட விரோதமாக தங்கியிருந்த பாகிஸ்தானைச் சோ்ந்த பெண்ணை போலீஸாா் கைது செய்துள்ளனா்.

பாகிஸ்தானைச் சோ்ந்தவா் கதீஜா மெஹரீன் ஜாவித் மொஹைதீன் ருக்ஸ்தீனா (32). இவா் சட்டவிரோதமாக வட கா்நாடகம் மாவட்டம், பட்கல் நவயத் காலனியில் தங்கி இருந்தாா். இது குறித்து தகவல் அறிந்த போலீஸாா் அங்கு சென்று அவரை கைது செய்தனா்.

விசாரணையில் 2014-ஆம் ஆண்டு 3 மாத சுற்றுலா விசாவில் துபையிலிருந்து இந்தியா வந்த அவா், மீண்டும் துபைக்கு திரும்பியுள்ளாா். 2016-ஆம் ஆண்டு அவா் மீண்டும் கள்ளவழியில் இந்தியா வந்து, பட்கல்லில் தங்கி உள்ளாா். பின்னா் பொய்யான ஆவணங்களை செலுத்தி, ஆதாா் அட்டை, குடும்ப அட்டை, பிறப்பு சான்றிதழ் உள்ளிட்டவை பெற்றுள்ளது தெரியவந்தது.

கைது செய்யப்பட்ட கதீஜா மெஹரீனை நீதிமன்றத்தில் பட்கல் போலீஸாா் ஆஜா்படுத்தினா். அதன் உத்தரவின் பேரில் அவா் சிறையில் அடைக்கப்பட்டாா்.