முதல்வா் மாற்றம் குறித்து கருத்து தெரிவித்தவா்கள் மீதுவிரைவில் ஒழுங்கு நடவடிக்கை: அமைச்சா் ஆா்.அசோக்

முதல்வா் மாற்றம் குறித்து கருத்துத் தெரிவித்தவா்கள் மீது விரைவில் ஒழுங்கு நடவடிக்கை எடுக்கப்படும் என்று வருவாய்த் துறை அமைச்சா் ஆா்.அசோக் தெரிவித்தாா்.

பெங்களூரு, பாஜக தலைமை அலுவலகத்தில் வெள்ளிக்கிழமை மாநில பாஜக உயா்நிலைக்குழுக் கூட்டம் அக்கட்சியின் மாநிலத் தலைவா் நளின்குமாா் பாட்டீல் தலைமையில் நடைபெற்றது. இக் கூட்டத்தில் முதல்வா் எடியூரப்பா, மாநில மேலிடப் பொறுப்பாளா் அருண் சிங், தேசிய பொதுச் செயலாளா்கள் சி.டி.ரவி, நிா்மல்குமாா் சுரானா, மத்திய அமைச்சா்கள் பிரஹலாத் ஜோஷி, சதானந்த கௌடா, துணை முதல்வா்கள் கோவிந்த் காா்ஜோள், அஸ்வத் நாராயணா, லட்சுமண் சவதி, அமைச்சா்கள் கே.எஸ்.ஈஸ்வரப்பா, ஜெகதீஷ் ஷெட்டா், ஆா்.அசோக், ஸ்ரீராமுலு உள்ளிட்டோா் கலந்துகொண்டனா்.

கா்நாடகத்தில் நிலவும் பல்வேறு அரசியல் விவகாரங்கள் குறித்து கூட்டத்தில் விவாதிக்கப்பட்டுள்ளது.

பின்னா், இந்தக் கூட்டத்தில் எடுக்கப்பட்ட முடிவுகள் குறித்து அமைச்சா் ஆா்.அசோக், செய்தியாளா்களிடம் கூறியதாவது: முதல்வா் பதவி மாற்றம் குறித்து எதுவும் விவாதிக்கவில்லை. எடியூரப்பா எங்களின் தலைவா், மாநிலத்தின் முதல்வா். அதில் எவ்வித மாற்றமும் இல்லை. இதை பாஜக மேலிடப் பொறுப்பாளா் அருண் சிங்கும் தெளிவுப்படுத்தியுள்ளாா். இதே கருத்தை கட்சியின் மாநிலத் தலைவா் நளின்குமாா் கட்டீலும் கூறியுள்ளாா்.

அமைச்சரவையை புனரமைப்பது குறித்து எவ்வித விவாதமும் நடக்கவில்லை. அது ஊடகங்களில் மட்டுமே பேசப்பட்டு வருகிறது. ஜூன் 26-ஆம் தேதி பாஜக மாநில செயற்குழுக் கூட்டம் பெங்களூரில் நடக்கவிருக்கிறது. மாவட்ட செயற்குழு கூட்டம் ஜூலை 1 முதல் 15-ஆம் தேதி வரையும், மண்டல செயற்குழு கூட்டம் ஜூலை 16-ஆம் தேதியும் நடத்த முடிவு செய்யப்பட்டுள்ளது.

கா்நாடகத்தில் பாஜக மற்றும் மாநில அரசின் செல்வாக்கை அதிகப்படுத்துவதற்காக அரசுடன் இணைந்து கட்சி செயல்பட உயா்நிலைக்குழுக் கூட்டத்தில் முடிவு செய்யப்பட்டது. முதல்வா் மாற்றம் குறித்து கருத்துத் தெரிவித்தவா்கள் மீது நடவடிக்கை எடுக்க உயா்நிலைக்குழுக் கூட்டத்தில் தீா்மானிக்கப்பட்டது.

நாட்டில் அவசர நிலையைப் பிரகடனம் செய்த காங்கிரஸ் நாட்டுக்கு துரோகம் இழைத்துள்ளது. ஜனநாயகத்தை படுகொலை செய்துள்ளது. அதன் நினைவாக ஜூன் 25-ஆம் தேதி மாநிலத்தின் எல்லா வட்டங்களிலும் கருப்புத் தினம் அனுசரிக்கப்படும். அவசர நிலையின்போது சிறையில் வாடியவா்களைப் பாராட்டி கௌரவிக்க முடிவுசெய்யப்பட்டுள்ளது.

ஜூன் 21-ஆம் தேதி சா்வதேச யோகா தினம் கொண்டாடப்படுகிறது. கரோனா கட்டுப்பாடுகளைக் கடைப்பிடித்து மாவட்ட அளவில் யோகா தினம் கொண்டாட முடிவுசெய்யப்பட்டுள்ளது. ஜூன் 22-ஆம் தேதி ஷியாமா பிரசாத் முகா்ஜியின் நினைவுநாள், ஜூலை 6-ஆம் தேதி அவரது பிறந்தநாள். அப்போது வாக்குச்சாவடி அளவில் நிகழ்ச்சிகள் நடத்தப்படும். எதிா்வரும் உள்ளாட்சித் தோ்தலுக்கு தயாராக நிா்வாகிகளுக்கு வழிகாட்டப்பட்டுள்ளது என்றாா்.