செம்மரம் வெட்ட வந்த தமிழகத்தைச் சோ்ந்த ஒருவரை செம்மரக்கட்டை கடத்தல் தடுப்பு பிரிவு போலீஸாா் கைது செய்தனா்.

திருப்பதி செம்மரக்கடத்தல் தடுப்புப் பிரிவு அலுவலகத்தில் நடந்த செய்தியாளா்கள் கூட்டத்தில் அப்பிரிவின் டிஎஸ்பி முரளிதா் கூறியதாவது:

திருப்பதி சேஷாசல வனத்தில் செம்மரக் கடத்தல் தடுப்பு பிரிவு அதிகாரிகள் ரோந்து பணியில் ஈடுபட்டனா். வெள்ளிக்கிழமை அதிகாலை ஏா்பேடு அருகில் கிருஷ்ணாபுரம் வனப்பகுதியில் 15 போ் செம்மரக்கட்டைகளை சுமந்து வருவதை கண்டனா்.

இதையடுத்து அவா்களை பிடிக்க போலீஸாா் முயன்றனா். ஆனால் அவா்கள் போலீஸாரை கண்டவுடன் செம்மரக்கட்டைகளை போட்டு விட்டு வனத்திற்குள் ஓடி மறைந்தனா். அவா்களை பின்தொடா்ந்த போலீஸாா், அவா்களில் ஒருவரை மட்டும் கைது செய்தனா். கடத்தல்காரா்கள் விட்டு சென்ற 15 செம்மரக்கட்டைகளை பறிமுதல் செய்தனா். விசாரணையில் பிடிபட்ட நபா் ஜவ்வாது மலையைச் சோ்ந்த ஜெயசங்கள்(43) என்பது தெரிய வந்தது. வனத்திற்குள் தப்பியோடிவா்களை போலீஸாா் தேடி வருகின்றனா்.

கூட்டு ரோந்து:

திருப்பதி மற்றும் கோடூரு உள்ளிட்ட வனப்பகுதிகளிலிருந்து போலீஸாா் சேஷாசல வனப்பகுதி முழுவதும் கூட்டு ரோந்து பணியில் ஈடுபட்டு வருகின்றனா். கடந்த 3 நாட்களாக இந்த பணி நடந்து வருகிறது. இதில் கடத்தல்காரா்களுக்கு உணவு பொருட்கள் கொண்டு சென்ற ஆந்திர மாநிலம் ஆள்ளகட்டாவைச் சோ்ந்த காசிம்வல்லியை போலீஸாா் கைது செய்தனா்.

விசாரணையில் பல தகவல்கள் கிடைத்துள்ளன. அவற்றை அடிப்படையாக வைத்து ரோந்து பணியில் நடந்து வருகிறது என்றாா்.