கேரளத்தின் முதல்வராக இரண்டாவது முறையாக பொறுப்பேற்றுள்ள பினராயி விஜயனுக்கு இசையமைப்பாளர் ஏ.ஆர்.ரஹ்மான் வாழ்த்து தெரிவித்துள்ளார். 

இது தொடர்பாக வெளியாகியுள்ள விடியோ ஒன்றில், அதிக கல்வியறிவு கொண்டது கேரள மாநிலம். கேரள மக்களின் நகைப்புத் திறன், ஞானம் போன்றவை அதிகம் ஈர்ப்பவை. கேரளத்தின் முதல்வராக பொறுப்பேற்றுள்ள பினராயி விஜயனுக்கு எனது வாழ்த்துகள் என்று தெரிவித்துள்ளார். 

கேரளத்தில் 140 இடங்களுக்கு நடைபெற்று முடிந்த சட்டப்பேரவைத் தோ்தலில் மாா்க்சிஸ்ட் கம்யூனிஸ்ட் கட்சி தலைமையிலான இடதுசாரி ஜனநாயக முன்னணி அபார வெற்றிபெற்றது.

இதையடுத்து அந்த மாநில முதல்வராக பினராயி விஜயன் இன்று (மே 20) பொறுப்பேற்றுக்கொண்டார். மேலும், அவரது சட்டப்பேரவையில் 20 அமைச்சர்களும் இன்று பதவியேற்றுக் கொண்டனர். இவர்களுக்கு கேரள ஆளுநர் ஆரிஃப் முகமது கான் பதவிப் பிரமாணம் செய்து வைத்தார்.