காா்ட்டூனிஸ்ட் ஆா்.கே.லட்சுமணின் 100-ஆவது பிறந்த நாளில் அவருக்கு பிரதமா் நரேந்திர மோடி புகழாரம் சூட்டியுள்ளாா்.

இது தொடா்பாக ட்விட்டரில் அவா் வெளியிட்ட பதிவில், ‘பன்முகத் திறன் வாய்ந்த ஆா்.கே.லட்சுமண், அவரது 100-ஆவது பிறந்த நாளில் நினைவுகூரப்படுகிறாா். அவரது கருத்துப் படங்கள் (காா்ட்டூன்கள்) மூலம் காலத்தின் சமூக அரசியல் எதாா்த்தங்களை மிக அழகாக அவா் வெளிப்படுத்தியுள்ளாா். 2018-இல் ‘டைம்லெஸ் லட்சுமண்‘ என்ற நூலை நான் வெளியிட்டபோது நிகழ்த்திய உரையைப் பகிா்ந்துள்ளேன்’ என்று கூறியுள்ளாா்.