இந்திய, ஆஸ்திரேலிய நாடுகளுக்கிடையேயான அமைச்சர்கள் நிலையிலான முதல் 2+2 பேச்சுவார்த்தை இன்று தில்லியில் நடைபெறவுள்ளது. இந்திய வெளியுறவித்துறை அமைச்சர் ஜெய்சங்கர், பாதுகாப்புத்துறை அமைச்சர் ராஜ்நாத் சிங் ஆகியோரை ஆஸ்திரேலிய வெளியுறவுத்துறை அமைச்சர் மாரிஸ் பெய்ன், பாதுகாப்புத்துறை அமைச்சர் பீட்டர் டட்டன் ஆகியோர் இன்று சந்தித்து பேசவுள்ளனர்.

7 லோக் மார்க் சாலையில் உள்ள பிரதமரின் அதிகாரப்பூர்வ இல்லத்திற்கு மாலை 4:30 மணிக்கு செல்லும் மாரிஸ் பெய்ன், பீட்டர் டட்டன் ஆகியோர் பிரதமர் மோடியை சந்தித்து ஆலோசனை நடத்தவுள்ளனர்.

அதிமுக்கியத்துவம் வாய்ந்த  2+2 பேச்சுவார்த்தை குறித்து உயர் மட்ட அலுவலர் ஒருவர் கூறுகையில், "ஆஸ்திரேலியாவுடன் 2+2 பேச்சுவார்த்தை தொடங்க முடிவெடுத்திருப்பது கடந்த சில ஆண்டுகளாக அந்நாட்டுடனான உறவில் ஏற்பட்டிருக்கும் மாறுதலை பிரதிபலிக்கிறது" என்றார்.

இதையும் படிக்க | இந்தியாவின் வலியுறுத்தல்களை பொறுப்புடன் பரிசீலிக்க தலிபான்கள் உறுதி: ஷ்ரிங்லாஇந்தியா-அமெரிக்கா இடையே நவம்பரில் ‘2+2’ பேச்சுவாா்த்தை

பெய்ன், தேசிய போர் நினைவிடத்தில் மரியாதை செலுத்தியவுடன் 10:30 மணிக்கு ஹைதராபாத இல்லத்திற்கு சென்று ஜெய்சங்கரை சந்திக்கவுள்ளார். அதைத் தொடர்ந்து, ஜவஹர்லால் நேரு பவனில் நடைபெறும் செய்தியாளர் சந்திப்பில் அவர் கலந்து கொள்ளவுள்ளார். பொருளாதாரம், பாதுகாப்பு, சைபர், காலநிலை, முக்கியமான தொழில்நுட்பம் மற்றும் விநியோகச் சங்கிலிகள் குறித்து அமைச்சர்கள் பேசவுள்ளனர்.