தமிழ் புத்தாண்டு அனைவருக்கும் வெற்றிகளையும் சந்தோஷங்களையும் வழங்கட்டும் என்று பிரதமர் நரேந்திர மோடி தமிழில் வாழ்த்து தெரிவித்துள்ளார். 

ஒவ்வொரு ஆண்டும் சித்திரை முதல் நாள் தமிழ் புத்தாண்டாக கொண்டாடப்பட்டு வருகிறது. இந்நாளில் பிரதமர் நரேந்திர மோடி புத்தாண்டு வாழ்த்து தெரிவித்துள்ளார். 

அவர் தமிழில் வெளியிட்டுள்ள புத்தாண்டு வாழ்த்து செய்தியில், அனைவருக்கும் புத்தாண்டு வாழ்த்துகள். குறிப்பாக எனது தமிழ் சகோதர சகோதரிகளுக்கு. 

 
வரும் புத்தாண்டு வெற்றிகளையும் சந்தோஷங்களையும் வழங்கட்டும், அனைத்து லட்சியங்களும் நிறைவேறட்டும், அனைவரும் ஆரோக்கியமாகவும் மகிழ்ச்சியுடனும் இருக்க வாழ்த்துகள் என்று மோடி கூறியுள்ளார்.