காங்கிரஸில் பிரசாந்த் கிஷோர் இணையவுள்ளதாக நீங்கள்தான் கூறுகிறீர்கள், அவர் கூறவில்லை என தெலங்கானா அமைச்சர் கே.டி. ராம ராவ் கூறியுள்ளார்.

அடுத்தாண்டு தெலங்கானா மாநிலத்தில் நடைபெறவுள்ள சட்டப்பேரவைத் தேர்தலில் தெலங்கானா ராஷ்டிர சமிதிக்கு தேர்தல் யுத்திகளை வழங்கி இணைந்து செயல்படுவதற்கான ஒப்பந்தத்தில் ஐ-பேக் நிறுவனம் கையெழுத்திட்டுள்ளது.

பிரசாந்த் கிஷோா் காங்கிரஸில் இணையப் போவதாக தகவல் வெளியான நிலையில், தெலங்கானா ராஷ்டிர சமிதியுடன் ஒப்பந்தம் மேற்கொண்டிருப்பது குழப்பத்தை ஏற்படுத்தியுள்ளது.

இதுகுறித்து தெலங்கானா அமைச்சர் கூறியதாவது:

“நாங்கள் பிரசாந்த் கிஷோரை முதல்முறையாக சந்திக்கவில்லை. கடந்த 5 ஆண்டுகளை பலமுறை சந்தித்துள்ளோம். காங்கிரஸில் பிரசாந்த் கிஷோர் இணையவுள்ளதாக நீங்கள்தான் கூறுகிறீர்கள், அவர் அதுபற்றி கூறவில்லை.

இந்தியாவில் உள்ள அனைத்து கட்சிகளும் தேர்தல் உத்தியாளர்களுடன் இணைந்து பணியாற்றி வருகின்றன” எனத் தெரிவித்தார்.

இதையும் படிக்க | காங்கிரஸில் இணைவாரா பிரசாந்த் கிஷோர்? புதிய ஒப்பந்தத்தால் குழப்பம்